កាលពីថ្ងៃទី ១២ ខែសីហា ស្ថាប័នអាមេរិកចំនួន ២២ មានសមាគមគ្រឹះស្ថានឧត្តមសិក្សាទូទាំងប្រទេសអាមេរិកនិងសមាគមសិក្សាស្រាវជ្រាវការអប់រំជាន់ខ្ពស់ជាដើមបានរួមគ្នាចេញផ្សាយសេចក្តីថ្លែងការណ៍មួយ ដោយបានអំពាវនាវដល់រដ្ឋាភិបាលអាមេរិកឱ្យធ្វើសកម្មភាពដោយមធ្យ័ត គោរពសិទ្ធិនិងផលប្រយោជន៍របស់និស្សិតនិងបញ្ញវន្តចិនក្នុងសកលវិទ្យាល័យបែបសិក្សាស្រាវជ្រាវនៃអាមេរិក ។
សេចក្តីថ្លែងការណ៍នេះបានឱ្យដឹងថា ពេលកន្លងទៅនេះ FBIអាមេរិកនិងមន្ត្រីអង្គការសហរដ្ឋមួយចំនួនបានដាស់តឿនដល់សកលវិទ្យាល័យបែបសិក្សាស្រាវជ្រាវនៃអាមេរិកមួយចំនួនឱ្យធ្វើបទប្បញ្ញត្តិផ្ទៃក្នុង ដើម្បីត្រួតពិនិត្យនិស្សិតនិងបញ្ញវន្តនៃស្ថាប័នសិក្សាស្រាវជ្រាវដែលពាក់ព័ន្ធនឹងប្រទេសចិន ។ អំពើបែបនេះល្មើសនឹងបទដ្ឋាននីតិវិធីដ៏ត្រឹមត្រូវ ។
សេចក្តីថ្លែងការណ៍សង្កត់ធ្ងន់ថា អំពើដែលមានលទ្ធភាពធ្វើឱ្យនិស្សិតនិងបញ្ញវន្តរាប់ពាន់រាប់ម៉ឺននាក់រងនូវការសង្ស័យបែបនេះ មុខជានឹងរារាំងដល់ការទាក់ទាញធនធានមនុស្សនាពេលអនាគតរបស់អាមេរិក ព្រមទាំងនឹងបំផ្លាញដល់គម្រោងសិក្សាស្រាវជ្រាវដែលកំពុងដំណើរការ ។ សេចក្តីថ្លែងការណ៍ក៏បានអំពាវនាវដល់គ្រឹះស្ថានឧត្តមសិក្សាអាមេរិកឱ្យការពារឯករាជ្យភាពរបស់ខ្លួន ប្រកាន់ខ្ជាប់នីតិវិធីដ៏ត្រឹមត្រូវនិងគោរពសិទ្ធិឯកជននៃនិស្សិតនិងគ្រូបង្រៀនរបស់បណ្តាប្រទេសនានាក្នុងសាលារៀន ៕
