ព្រឹកព្រលឹមថ្ងៃទី១៤ខែសីហា អ្នកនាំពាក្យនៃរដ្ឋបាលនៃតំបន់រដ្ឋបាលពិសេសហុងកុងបានថ្កោលទោសយ៉ាងខ្លាំងទៅលើអំពើហិង្សារបស់បាតុករដែលបានធ្វើឡើងនៅព្រលានយន្តហោះអន្តរជាតិហុងកុង។
អ្នកនាំពាក្យបានថ្លែងថា កាលពីយប់ថ្ងៃទី១៣ខែសីហា មានបាតុករបានឡោមព័ទ្ធនិងវាយដំអ្នកដំណើរម្នាក់និងអ្នកយកព័ត៌មានម្នាក់ដោយឡែកពីគ្នា ហើយក៏បានរារាំងមិនឲ្យបុគ្គលិករថយន្តសង្គ្រោះដឹកបញ្ជូនអ្នកដំណើរនេះទៅមន្ទីរពេទ្យថែមទៀត នៅពេលប៉ូលិសទៅដល់កន្លែងកើតហេតុការណ៍នោះ មានបាតុករជាច្រើននាក់បានវាយប្រហារប៉ូលិស ហើយបានគំរាមកំហែងយ៉ាងធ្ងន់ធ្ងរដល់សុវត្ថិភាពរបស់មន្ត្រីប៉ូលិស។
អ្នកនាំពាក្យរូបនេះបានបន្តថា អាជ្ញាធរប៉ូលិសមុខជានឹងចាត់ចែងរឿងនេះតាមច្បាប់និងដាក់ទោសទៅលើឧក្រិដ្ឋជនមិនខាន។