កាលពីថ្ងៃទី ១៣ ខែសីហា លោកចាំងជុន តំណាងប្រទេសចិនប្រចាំជាអចិន្ត្រៃយ៍នៅអង្គការសហប្រជាជាតិបានអំពាវនាវដល់បណ្តាប្រទេសនានាឱ្យបំពេញកាតព្វកិច្ចនៃច្បាប់មនុស្សធម៌អន្តរជាតិយ៉ាងប្រាកដប្រជា ។
នៅក្នុងកិច្ចប្រជុំជាសាធារណៈមួយស្តីពីការជំរុញនិងបង្កើនច្បាប់មនុស្សធម៌អន្តរជាតិនៃក្រុមប្រឹក្សាសន្តិសុខអង្គការសហប្រជាជាតិនាថ្ងៃដដែល លោកចាំងជុនបានថ្លែងថា រដ្ឋាភិបាលប្រទេសនានាមានទំនួលខុសត្រូវចម្បងក្នុងការគោរពច្បាប់មនុស្សធម៌អន្តរជាតិក្នុងគ្រប់កាលៈទេសៈទាំងអស់ តួនាទីរបស់វាមិនអាចជំនួសបានទេ ។ ក្នុងសភាពការណ៍ដែលមិនអាចចៀសវាងការប៉ះទង្គិច គួរតែប្រកាន់ខ្ជាប់គោលការណ៍នៃច្បាប់មនុស្សធម៌អន្តរជាតិ បង្ការការប្រើកម្លាំងអាវុធដោយផ្តេសផ្តាសឬអំពើណាដែលមិនអើពើនូវលទ្ធផលមនុស្សធម៌ ។ ត្រូវតែត្រួតពិនិត្យនិងផ្តន្ទាទោសតាមច្បាប់ចំពោះអំពើល្មើសនឹងច្បាប់មនុស្សធម៌អន្តរជាតិ ៕