សេដ្ឋកិច្ចរបស់ប្រទេសចិនបានកើនឡើង6.3ភាគរយនៅឆមាសទី១នៃឆ្នាំនេះបើធៀបនឹងរយៈពេលកាលពីឆ្នាំមុន ។ក្រុមអ្នកវិភាគនិងអ្នកជំនាញអន្តរជាតិជាច្រើនបាននិយាយថា ថ្វីបើភាពមិនប្រាកដប្រជានៅខាងក្រៅកើនឡើង ប៉ុន្តែសេដ្ឋកិច្ចរបស់ប្រទេសចិននៅតែរក្សាស្ថិរភាព ហើយក៏បន្តផ្តល់កម្លាំងចលករដល់សេដ្ឋកិច្ចពិភពលោក។
លោកChristian Rusche សេដ្ឋវិទូនៃមន្ទីរសិក្សាស្រាវជ្រាវសេដ្ឋកិច្ចCologneប្រទេសអាលឺម្ល៉ងបានថ្លែងថា ភាពមិនប្រាកដប្រជានៅខាងក្រៅ ដូចជា ជម្លោះសេដ្ឋកិច្ច ការដកខ្លួនចេញពីសហភាពអឺរ៉ុបរបស់អង់គ្លេស ភាពតាងតឹងនៅមជ្ឈិមបូព៌ាបាននាំមកនូវផលប៉ះពាល់យ៉ាងធ្ងន់ធ្ងរដល់ការអភិវឌ្ឍនៃសេដ្ឋកិច្ចពិភពលោក ប៉ុន្តែសេដ្ឋកិច្ចរបស់ប្រទេសចិននៅតែសម្រេចកំណើនលើសពី៦ភាគនៅក្នុងបរិបទនេះ ព្រមទាំងមានអាកប្បកិរិយាប្រកបដោយភាពវិជ្ជមានយ៉ាងខ្លាំង។
លោកCarl Weinberg ប្រធានសេដ្ឋវិទូអន្តរជាតិនៃអង្គការសិក្សាស្រាវជ្រាវទីផ្សារសហរដ្ឋអាមេរិកបានបញ្ជាក់ថា រដ្ឋាភិបាលចិនប្រកាន់ខ្ជាប់នូវកំណែទម្រង់ដោយផ្តោតលើទីផ្សារជាទិសដៅ។ ដូច្នេះ ចក្ខុវិស័យសេដ្ឋកិច្ចរយៈពេលវែងរបស់ចិននឹងមានភាពវិជ្ជមាន៕