ថ្ងៃទី២៤ខែមិថុនា លោកវ៉ាងអ៊ីសមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីការបរទេសចិនបានជួបពិភាក្សាជាមួយលោកPandorរដ្ឋមន្រ្តីការបរទេសអាហ្រ្វិកខាងត្បូងនៅក្រុងប៉េកាំង ។
ថ្លែងក្នុងកិច្ចជំនួប លោកវ៉ាងអ៊ីបានលើកឡើងថា ប្រទេសចិនរីករាយរួមសហការជាមួយអាហ្រ្វិកខាងត្បូង ដើម្បីអនុវត្តឱ្យបានល្អនូវការប្រាស្រ័យទាក់ទងជាន់ខ្ពស់រវាងប្រទេសទាំងពីរនៅពេលអនាគត ធ្វើឱ្យស៊ីជម្រៅនូវការតភ្ជាប់គ្នារវាងយុទ្ធសាស្រ្តអភិវឌ្ឍន៍និងកិច្ចសហប្រតិបត្តការគ្រប់ជ្រុងជ្រោយ ក្នុងន័យបំពេញបន្ថែមកម្លាំងចលករថ្មីសម្រាប់ការអភិវឌ្ឍទំនាក់ទំនងរវាងប្រទេសទាំងពីរ ។
លោកវ៉ាងអ៊ីបានបង្ហាញថា ក្នុងនាមជាតំណាងសំខាន់នៃប្រទេសទីផ្សារងើបឡើងថី្មនិងប្រទេសកំពុងអភិវឌ្ឍន៍ ប្រទេសចិននិងអាហ្រ្វិកខាងត្បូងគួរតែរួមសហការជាមួយប្រទេសដទៃទៀត ដើម្បីរួមគ្នាគាំពារធម្មនុញ្ញ កម្មវត្ថុនិងគោលការណ៍នៃអង្គការសហប្រជាជាតិ គាំទ្រពហុភាគីនិយម និងប្រឆាំងអំពើឯកតោភាគីនិយមនិងការធ្វើអនុត្តរភាពទោះតាមទម្រង់ណាក៏ដោយ ៕
