ថ្ងៃទី ២៣ ខែមិថុនា កងទ័ពនៃប្រទេសអ៊ីរ៉ាក់បានប្រកាសថា កងទ័ពប្រឆាំងភេរវកម្មនៃប្រទេសអ៊ីរ៉ាក់បានចាត់ប្រតិបតិ្តការបោសសម្អាតរយៈពេលពីរថ្ងៃដើម្បីកម្ទេចកងកម្លាំងសេសសល់នៃអង្គការរដ្ឋអ៊ីស្លាមនៅតំបន់ខាងជើងនៃប្រទេសអ៊ីរ៉ាក់ កងទ័ពសម័្ពន្ធមិត្តអន្តរជាតិសម្រាប់វាយប្រហារអង្គការរដ្ឋអ៊ីស្លាមដែលដឹកនាំដោយសហរដ្ឋអាមេរិកបានសហការជាមួយកងទ័ពអ៊ីរ៉ាក់ ដោយបានធ្វើការវាយប្រហារតាមអាកាសចំនួន៨លើកទៅលើគោលដៅពិសេស ។
ថ្ងៃទី ២៣ ខែមិថុនា បញ្ជាការដ្ឋាននៃប្រតិបតិ្តការរួមរបស់ប្រទេសអ៊ីរ៉ាក់បានចេញសេចក្តីថ្លែងការណ៍ថា ប្រតិបតិ្តការវាយកម្ទេចលើកនេះបានកាត់ផ្តាច់ខ្សែផ្លូវផ្គត់ផ្គង់របស់អង្គការរដ្ឋអ៊ីស្លាមពីក្រុង Hatra ទៅកាន់ក្រុង Seniye ។ ប៉ុន្តែសេចក្តីថ្លែងការណ៍នេះមិនបានទម្លាយឱ្យដឹងថា បានបាញ់សម្លាប់កងប្រដាប់អាវុធប៉ុន្មាននាក់នោះឡើយ ៕
