ថ្ងៃទី ២៣ ខែមិថុនា ពេលផ្តល់បទសម្ភាសន៍ជាមួយស្ថានីយទូរទស្សន៍ឯករាជ្យនៃប្រទេសរុស្ស៊ី លោក ភូទីន ប្រធានាធិបតីរុស្ស៊ីបានថ្លែងថា រុស្ស៊ីរីករាយអភិវឌ្ឍទំនាក់ទំនងល្អជាមួយសហរដ្ឋអាមេរិក ព្រមនិងស្វែងរកគំនិតឯកភាពរួមតាមរយៈកិច្ចសន្ទនា ។
លោក ភូទីនបានថ្លែងទៀតថា ប្រទេសទាំងពីររុស្ស៊ីនិងអាមេរិកមានការយល់ឃើញខុសគ្នាក្នុងការដោះស្រាយបញ្ហាអន្តរជាតិមួយចំនួន ។ ភាគីអាមេរិកដឹងច្បាស់ថា រុស្ស៊ីនឹងមិនចុះញ៉មនឹងការគាបសង្កត់ទេ ដូច្នេះហើយប្រទេសទាំងពីរចាំបាច់ត្រូវធ្វើកិច្ចសន្ទនាទើបអាចរកឃើញគំនិតឯកភាពរួមបាន ។ លោកភូទីនបានគូសបញ្ជាក់ថា បើសិនជាអាមេរិកត្រូវការធ្វើកិច្ចសន្ទនា នោះរុស្ស៊ីក៏ត្រៀមធ្វើកិច្ចសន្ទនាដែរ តែបើអាមេរិកមិនត្រូវការសន្ទនា នោះរុស្ស៊ីនឹងបន្តរងចាំជាបន្តទៀត រហូតដល់អាមេរិកបានគិតពិចារណាច្បាស់លាស់ ៕