ស្ថានឯកអគ្គរដ្ឋទូតចិនប្រចាំនៅអ៊ូហ្គង់ដាបានបញ្ជាក់កាលពីថ្ងៃទី២៣ខែមិថុនាថា នៅវេលាថ្ងៃត្រង់នាថ្ងៃដដែល ក្រុងKampalaរដ្ឋធានីអ៊ូហ្គង់ដាបានកើតគ្រោះថ្នាក់ចរាចរណ៍មួយករណីដែលបណ្តាលឱ្យប្រជាពលរដ្ឋចិន៣នាក់ស្លាប់បាត់បង់ជីវិត ។
អ្នកសារព័ត៌មានបានដំណឹងពីស្ថានទូតចិនប្រចាំនៅអ៊ូហ្គង់ដាឱ្យដឹងថា បន្ទាប់ពីបានដឹងថាក្រុង Kampalaកើតគ្រោះថ្នាក់ចរាចរណ៍ដែលទាក់ទិននឹងប្រជាពលរដ្ឋចិន ស្ថានទូតចិនប្រចាំនៅអ៊ូហ្គង់ដាក៏បានចាប់ដំណើរការជួយចាត់ចែងការងារជួយសង្រ្គោះជាបន្ទាន់ ។ មន្រ្តីកុងស៊ុលបានស្រូតដំណើរទៅដល់កន្លែងកើតហេតុភ្លាមៗដើម្បីចាត់ចែងជាបន្ទាន់ឱ្យអ្នកស្ម័គ្រចិត្តនិងសមាជិកក្រុមវេជ្ជបណ្ឌិតរបស់ប្រទេសចិនដែលទៅផ្តល់ជំនួយដល់អ៊ូហ្គង់ដាឱ្យចូលរួមការងារជួយសង្រ្គោះនៅកន្លែងកើតហេតុ ។ បន្ទាប់ពីប្រជាពលរដ្ឋចិនដែលជួបប្រទះនឹងគ្រោះថ្នាក់ចរាចណ៍ត្រូវមន្ទីរពេទ្យបញ្ជាក់ថាបានស្លាប់បាត់បង់ជីវិត មន្រ្តីកុងស៊ុលបានទាក់ទងជាមួយសាច់ញាតិរបស់អ្នករងគ្រោះដើម្បីធ្វើការងាររៀបចំនិងចាត់ចែងជាបន្តបន្ទាប់ ៕