ថ្ងៃទី២២ខែមិថុនា សេតវិមានអាមេរិកបានប្រកាសផែនការសេដ្ឋកិច្ចនៃ”កិច្ចព្រមព្រៀងសតវត្សរ៍”ដែលអាមេរិកអះអាងថាធ្វើឡើងក្នុងគោលបំណងជំរុញដំណោះស្រាយបញ្ហាប៉ាឡេស្ទីននិងអ៊ីស្រាអែល។ ប៉ុន្តែផែនការនេះត្រូវបានប៉ាឡេស្ទីនប្រឆាំង។
គោលដៅនៃផែនការសេដ្ឋកិច្ចឈ្មោះសន្តិភាពជំរុញវិបុលភាពមួយនេះបូលរួមទាំងជំរុញឱ្យមានការបណ្តាក់ទុនជាង៥ម៉ឺនលានដុល្លារអាមេរិកនៅប៉ាឡេស្ទីនក្នុងរយៈពេល១០ឆ្នាំខាងមុខនេះនិងផ្តល់ឱកាសការងារចំនួន១លាននាក់ដល់ប្រជាជនប៉ាឡេស្ទីន ក៏ដូចជាកាត់បន្ថយអត្រាបាត់បង់ការងាររបស់ប៉ាឡេស្ទីនឱ្យនៅត្រឹមលេខខ្ទង់រាយផងដែរ។
ដោយឡែក នៅថ្ងៃទី២៣ខែមិថុនា អ្នកនាំពាក្យនៃអង្គការហ្វាតាសប៉ាឡេស្ទីនបានចេញសេចក្តីថ្លែងការណ៍ដោយអំពាវនាវឱ្យប្រទេសអារ៉ាប់ដែលនឹងចូលរួមសិក្ខាសាលាសេដ្ឋកិច្ចនៅប្រទេសបារ៉ែនក្នុងពេលដ៏ខ្លីខាងមុខនេះបដិសេធចោលសំណើរបស់អាមេរិក។ អ្នកនាំពាក្យនៃអង្គការហាម៉ាសបានថ្លែងថា គម្រោងផែនការរបស់អាមេរិកគឺប៉ុនប៉ងបហ្វែរបញ្ហាប៉ាឡេស្ទីនឱ្យទៅជាបញ្ហាសេដ្ឋកិច្ចនិងមនុស្សធម៌ ដើម្បីក្រាលផ្លូវសម្រាប់ការជំរុញ”កិច្ចព្រមព្រៀងសតវត្សរ៍”៕
