កិច្ចប្រជុំកំពូលអាស៊ានលើកទី៣៤បានធ្វើឡើងនៅក្រុងបាងកករាជធានីប្រទេសថៃដែលជាប្រធានផ្លាស់វេនអាស៊ានពីថ្ងៃទី២២ដល់២៣ខែមិថុនានេះ។ នាថ្ងៃទី២៣ខែមិថុនា លោកប្រាយុទ្ធនាយករដ្ឋមន្រ្តីថៃបានថ្លែងក្នុងសន្និសីទកាសែតនៃកិច្ចប្រជុំកំពូលអាស៊ានលើកនេះថា ក្នុងកិច្ចប្រជុំកំពូលលើកនេះ ថ្នាក់ដឹកនាំនៃបណ្តាប្រទេសអាស៊ាននានាបានមូលគំនិតឯកភាពក្នុងការជំរុញការចរចាស្តីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ហៅកាត់ថា RCEPឱ្យសម្រេចបានក្នុងឆ្នាំ២០១៩នេះ។
លោកប្រាយុទ្ធបានថ្លែងថា កិច្ចប្រជុំកំពូលអាស៊ានលើកនេះបានផ្តោតសំខាន់ទៅលើកិច្ចកសាងសេដ្ឋកិច្ចក្នុងតំបន់ ពោលគឺRCEPគឺជាកិច្ចព្រមព្រៀងពាណិជ្ជកម្មដែលពាក់ព័ន្ធនឹងប្រជាជនច្រើនជាងគេលើពិភពលោក ដែលនឹងទៅជាឧបករណ៍ដ៏សំខាន់សម្រាប់ការជំរុញពាណិជ្ជកម្មនិងសេដ្ឋកិច្ចក្នុងតំបន់ឱ្យមានភាពកាន់តែល្អប្រសើរឡើង៕