ថ្ងៃទី ២៥ ខែឧសភា លោកRam Nath Kovind ប្រធានាធិបតីឥណ្ឌាបានតែងតាំងលោកNarendra Modi ជានាយករដ្ឋមន្ត្រីថ្មីជាផ្លូវការ ព្រមទាំងតម្រូវឲ្យលោកNarendra Modiលើកឈ្មោះសមាជិកនៃគណៈរដ្ឋមន្ត្រីនៃរដ្ឋាភិបាលសហព័ន្ធអាណត្តិថ្មី ហើយចាត់ចែងពេលវេលាជាក់ស្តែងនៃការធ្វើសច្ចាប្រណិធានឡើងកាន់តំណែង ។
បន្ទាប់មក លោកNarendra Modiបានថ្លែងសុន្ទរកថាជាសាធារណៈ ដោយបានបញ្ជាក់ថាលោកនឹងចាប់ដំណើរការអាណត្តិនាយករដ្ឋមន្ត្រីលើកទី ២ របស់លោក ហើយបានថ្លែងថា រដ្ឋាភិបាលថ្មីនឹងខិតខំដើម្បីសម្រេចក្តីសុបិនរបស់មនុស្សទាំងឡាយ មិនឲ្យខកបំណងរបស់ប្រជាជន ។
លទ្ធផលនៃការបោះឆ្នោតសភាប្រជាជនឥណ្ឌាដែលបានរៀបចំធ្វើឡើងនាពេលកន្លងទៅត្រូវបានប្រកាសនៅថ្ងៃទី ២៥ ខែឧសភា បក្សប្រជាជនឥណ្ឌាដែលកាន់អំណាចទទួលបានជ័យជម្នះដោយដណ្តើមបានអាសនៈចំនួន ៣០៣ ៕
