សម្តេចហ៊ុនសែន ប្រធានគណបក្សប្រជាជនកម្ពុជានិងជានាយករដ្ឋមន្ត្រីកម្ពុជាបានជួបពិភាក្សាការងារជាមួយគណៈប្រតិភូនៃគណបក្សកុម្មុយនិស្តចិនដែលដឹកនាំដោយលោក Wang Yajun អនុរដ្ឋមន្រ្តីក្រសួងទំនាក់ទំនងអន្តរជាតិនៃបក្សកុម្មុយនិស្តចិននៅរាជធានី ក្រុងភ្នំពេញកាលពីថ្ងៃទី ២៤ ខែឧសភា។
លោក Wang Yajun បានថែ្លងថា ប្រទេសចិនមានឆន្ទៈរួមសហការជាមួយភាគីកម្ពុជាដើម្បីអនុវត្តតាមគំនិតឯកភាពគ្នាដ៏សំខាន់របស់មេដឹកនាំរវាងភាគីទាំងពីរ ក៏ដូចជាបង្កើនកិច្ចសហប្រតិបត្តិការស្តីពី"ខ្សែក្រវាត់និងផ្លូវ"ដើម្បីជំរុញឲ្យកាន់តែស៊ីជម្រៅនូវការអភិវឌ្ឍទំនាក់ទំនងរវាងចិននិងកម្ពុជា។
សម្តេច ហ៊ុនសែន បានមានប្រសាសន៍ថា កម្ពុជារំពឹងថា នឹងពង្រឹងការផ្លាស់ប្តូរនិងកិច្ចសហប្រតិបត្តិការក្នុងគ្រប់វិស័យរវាងគណបក្សទាំងពីរនិងប្រទេសទាំងពីរ ដើម្បីជំរុញឲ្យទទួលវឌ្ឍនភាពថ្មីក្នុងការកសាងសហគមន៍រួមវាសនារវាងកម្ពុជានិងចិន៕