រសៀល ថ្ងៃទី២២ ខែមេសា សន្និសីទManilaនៃវេទិកាអាស៊ីBoaoដែលរៀបចំដោយវេទិកា អាស៊ីBoaoនិងសភាពាណិជ្ជកម្មចិននៅហ្វីលីពីននិងសហការរៀបចំដោយសភាពាណិជ្ជកម្មនិងឧស្សាហកម្មចិននៅហ្វីលីពីន បានបើកសម្ពោធនៅManilaរដ្ឋធានីនៃប្រទេសហ្វីលីពីន។
លោកLi Baodong អគ្គលេខាធិការនៃវេទិកាអាស៊ីBoaoបានបញ្ជាក់ថា ប្រទេសចិនក្នុងនាមជាម្ចាស់ផ្ទះនៃវេទិកាអាស៊ីBoao បានមានទំនាក់ទំនងសេដ្ឋកិច្ចជាមួយហ្វីលីពីនកាន់តែជិតស្និតក្នុងប៉ុន្មាន់ឆ្នាំកន្លងមក ការផ្លាស់ប្តូរនិងកិច្ចសហប្រតិបត្តិការរវាងភាគីទាំងពីរនៅក្នុងវិស័យពាណិជ្ជកម្ម កិច្ចកសាងហេដ្ឋារចនាសម្ព័ន្ធ កសិកម្មជាដើម នឹងជួយលើកកម្ពស់ទំនាក់ទំនងរវាងប្រទេសទាំងពីរថែមមួយកម្រិតទៀត។
លោកSalvador C.Medialdea អគ្គលេខាធិការនៃប្រទេសហ្វីលីពីនបានថ្លែងសុន្ទរកថាថា ប្រទេសហ្វីលីពីនរំពឹងទុកយ៉ាងស្មោះត្រង់ថា នឹងទទួលបានកាលានុវត្តនភាពអភិវឌ្ឍន៍កាន់តែច្រើនទៀតពីវេទិកាលើកនេះ ធ្វើកិច្ចសហប្រតិបត្តិការយ៉ាងជិតស្និទ្ធជាមួយដៃគូនៅតំបន់និងតំបន់ផ្សេងទៀតនៅក្នុងពិភពលោក ដើម្បីធ្វើកិ្ចចសហប្រតិបត្តិការផ្តល់ផលប្រយោជន៍ដល់គ្នាទៅវិញទៅមកយ៉ាងជាក់ស្តែងនៅក្នុងវិស័យគន្លឹះ ដូចជាការកិច្ចកសាង ហេដ្ឋារចនាសម្ព័ន្ធនិងគមនាគមន៍ជាដើម៕
