អនុវេទិកាស្តីពីការផ្លាស់ប្តូរធនាគារគំនិតនៃវេទិកាកំពូលលើកទី ២ ស្តីពីកិច្ចសហប្រតិបត្តិការអន្តរជាតិ"ខ្សែក្រវាត់មួយនិងផ្លូវមួយ"បានប្រារព្ធឡើងនៅមជ្ឈមណ្ឌលសន្និបាតជាតិនៅថ្ងៃទី ២៥ ខែមេសាខាងមុខនេះ។នាពេលបច្ចុប្បន្ននេះ ការងារត្រៀមជាបឋមត្រូវបានរៀបចំរួចរាល់ហើយ។
លោក ស៊ីជីនភីង ប្រធានរដ្ឋចិនបានលើកឡើងនៅក្នុងវេទិកាកំពូលលើកទី ១ ស្តីពីកិច្ចសហប្រតិបត្តិការអន្តរជាតិ"ខ្សែក្រវាត់មួយនិងផ្លូវមួយ"ថា ត្រូវតែដើរតួនាទីនៃធនាគារគំនិតឲ្យបានល្អនិងបង្កើតឲ្យបានល្អនូវសម្ព័ន្ធធនាគារគំនិតនិងបណ្តាញកិច្ចសហប្រតិបត្តិការ។មនុស្ស ចំនួនជិត ៣០០ នាក់ដែលមានវត្តមានចូលរួមពីសំណាក់អតីតអ្នកនយោបាយសំខាន់បរទេស តំណាងអង្គការអន្ដរជាតិ អ្នកចូលរួមនៃគណៈកម្មាធិការកិច្ចសហប្រតិបត្តិការធនាគារគំនិតអន្តរជាតិ"ខ្សែក្រវាត់មួយនិងផ្លូវមួយ" សមាជិកក្រុមប្រឹក្សាភិបាលនៃសម្ព័ន្ធកិច្ចសហប្រតិបត្តិការផែ្នកព័ត៌មាន"ខ្សែក្រវាត់មួយនិងផ្លូវមួយ"និងអ្នកទទួលខុសត្រូវនៃសហគ្រាសនិងស្ថាប័នហិរញ្ញវត្ថុដែលចូលរួមក្នុងកិច្ចកសាងគំនិតផ្តួចផ្តើម"ខ្សែក្រវាត់មួយនិងផ្លូវមួយ"ព្រមទាំងតំណាងមកពីតំបន់រដ្ឋបាលពិសេសហុងកុងនិងម៉ាកាវជាដើមនឹងអញ្ជើញចូលរួមអនុវេទិកានេះ៕