ថ្ងៃទី ១៥ ខែ មេសា ឆ្នាំ ២០១៩ លោក Xi Jinping ប្រធានរដ្ឋចិនបានអញ្ជើញចុះទៅត្រួតពិនិត្យការងារនៅក្រុង Chong Qing ប្រទេសចិន ។ លោកបានអញ្ជើញទៅកាន់សាលាបឋមសិក្សា Yi Xiang និងភូមិ Huaxi ដែលស្ថិតនៅស្រុកស្វយ័តជនជាតិTujia និងអញ្ជើញចូលទៅសួរសុខទុក្ខដល់ផ្ទះកសិករនិងដើរពិនិត្យតាមវាលស្រែ ដើម្បីស្វែងយល់ជាក់ស្តែងអំពីការងារកាត់បន្ថយភាពក្រីក្រ ។
លោក Xi Jinping បានមកដល់ផ្ទះរបស់លោក Ma Peiqing សមាជិកបក្សកម្មុយនិស្តចិននិងជាអ្នកភូមិ Huaxi ហើយអង្គុយសំណេះសំណាលលេងជាមួយតំណាងអ្នកភូមិនិងកម្មាភិបាលបក្សប្រចាំភូមិដែលទទួលខុសត្រូវការងារលុបបំបាត់ភាពក្រីក្រ ដើម្បីពិគ្រោះពិភាក្សាអំពីការងារកាត់បន្ថយភាពក្រីក្រ ។ លោកបានថ្លែងថា សុភមង្គលគឺបានមកពីការតស៊ូ ការកាត់បន្ថយភាពក្រីក្រមិនអាចពឹងផ្អែកទៅលើការរង់ចាំនោះទេ បំណាច់នឹងបក្សកម្មុយនិស្តចិនមានគោលនយោបាយល្អហើយ ត្រូវខិតខំប្រឹប្រែងដើរឆ្ពោះទៅមុខទាំងអស់គ្នា ៕