ថ្ងៃទី ៨ ខែមេសា លោក ស៊ី ជីនភីង ប្រធានរដ្ឋចិនបានអញ្ជើញចូលរួមសកម្មភាពដាំដើមឈើដោយកាតព្វកិច្ចនៅរដ្ឋធានីប៉េកាំងហើយលោកបានសង្កត់ធ្ងន់ថា ត្រូវអនុវត្តតាមប្រពៃណីល្អនៃការថែរក្សាដើមឈើ ដាំដើមឈើនិងការពារដើមឈើរបស់ជនជាតិចិន សង្គមទាំងមូលសុទ្ធតែចូលរួមក្នុងការងារនេះ ធ្វើឲ្យបានស៊ីជម្រៅនូវសកម្មភាពបន្ថែមពណ៌បៃតងលើផ្ទៃដីជាតិដែលមានទ្រង់ទ្រាយធំ ដើម្បីជំរុញឲ្យការងារបន្ថែមពណ៌បៃតងលើផ្ទៃដីជាតិទទួលបានលទ្ធផលពិតប្រាកដនិងជាក់ស្តែងដោយឥតឈប់ឈរ។
លោក ស៊ី ជីនភីង បានបង្ហាញថា ឆ្នាំនេះជាខួបទី ៤០ ដែលសាធារណរដ្ឋប្រជាមានិតចិនបានបង្កើតទិវាដាំដើមឈើ។ ៤០ ឆ្នាំកន្លងមកនេះ ប្រទេសចិនបានផ្តល់វិភាគទានផ្នែកបង្កើនទំហំគ្របដណ្តប់ព្រៃឈើចំនួនច្រើនបំផុតលើសកលលោក។ ក៏ប៉ុន្តែ ចិននៅតែប្រឈមមុខនឹងបញ្ហាដែលអេកូឡូស៊ីទន់ខ្សោយ។
លោកបានសង្កត់ទៀតថា ត្រូវបន្តអនុវត្តគំនិតស្តីពី ទឹកស្អាតភ្នំបៃតងគឺជាភ្នំមាសភ្នំប្រាក់ ខិតខំជំរុញឲ្យការងារបន្ថែមពណ៌បៃតងលើផ្ទៃដីជាតិទទួលបានការអភិវឌ្ឍដោយមានគុណភាពខ្ពស់៕