យប់ថ្ងៃទី២៤ខែមីនា លោកស៊ីជីនភីង ប្រធានរដ្ឋចិនបានជួបសន្ទនាជាមួយលោក Emmanuel Macron ប្រធានាធិបតីបារាំងនៅក្រុង Nice ។
លោកស៊ីជីនភីងបានគូសបញ្ជាក់ថា ស្ថានការណ៍អន្តរជាតិនិងទំនាក់ទំនងរវាងប្រទេសទាំងពីរនាពេលបច្ចុប្បន្នមានការផ្លាស់ប្តូរយ៉ាងខ្លាំង ប៉ុន្តែមានចំណុចមួយចំនួនគឺមិនផ្លាស់ប្តូរនោះទេ ។ ទីមួយ គឺប្រទេសចិនយកចិត្តទុកដាក់ខ្ពស់ចំពោះទំនាក់ទំនងរវាងចិននិងបារាំងគឺមិនផ្លាស់ប្តូរនោះទេ ។ ទីពីរ ការរួមគ្នាស្វែងរកសន្តិភាព ការអភិវឌ្ឍ និងយុត្តិធម៌រវាងចិននិងបារាំងគឺមិនផ្លាស់ប្តូរទេ ។ ទីបី កិច្ចសហប្រតិបត្តិការដែលមានលក្ខណៈផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះរវាងចិននិងបារាំងគឺមិនផ្លាស់ប្តូរទេ ។
លោក Emmanuel Macron បានថ្លែងថា ភាគីបារាំងយកចិត្តទុកដាក់ខ្ពស់ចំពោះគំនិតផ្តួចផ្តើមស្តីពីខ្សែក្រវាត់មួយនិងផ្លូវមួយ ។ ភាគីបារាំងចាត់ទុកភាគីចិនជាដៃគូសហប្រតិបត្តិការយុទ្ធសាស្ត្រដ៏សំខាន់មួយនិងកោតសរសើរភាគីចិនដែលដើរតួនាទីដ៏សំខាន់និងរួមវិភាគទានក្នុងកិច្ចការអន្តរជាតិដូចជាបម្រែបម្រួលអាកាសធាតុជាដើម ។ បារាំងរីករាយរួមជាមួយភាគីចិនធ្វើការផ្លាស់ប្តូរនិងកិច្ចសហប្រតិបត្តិការយុទ្ធសាស្ត្រយ៉ាងជិតស្និទ្ធថែមមួយកម្រិតទៀត គាំពារពហុភាគីនិយមជាមួយគ្នា ដើម្បីជំរុញសន្តិភាពនិងវិបុលភាពពិភពលោក ។