ថ្ងៃទី ២១ ខែកុម្ភៈ លោក វ៉ាង យី សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិនបានជួបពិភាក្សាការងារជាមួយលោក Aidarbekov រដ្ឋមន្ត្រីការបរទេសនៃសាធារណរដ្ឋកៀហ្ស៉ីស៊ីស្ថាននៅក្រុងប៉េកាំង ។
ថ្លែងក្នុងកិច្ចជំនួប លោក វ៉ាង យី បានលើកឡើងថា ទំនាក់ទំនងរវាងចិននិងកៀហ្ស៉ីស៊ីស្ថានមានមូលដ្ឋានរឹងមាំខាងនយោបាយនិងទំនុកចិត្តដល់គ្នាទៅវិញទៅមក រាល់កត្តាពីមជ្ឈដ្ឋានខាងក្រៅសុទ្ធតែមិនអាចប៉ះពាល់ដល់ការអភិវឌ្ឍទំនាក់ទំនងរវាងចិននិងកៀហ្ស៉ីស៊ីស្ថាននោះឡើយ ។ ប្រទេសចិនរីករាយរួមសហការជាមួយប្រទេសកៀហ្ស៉ីស៊ីស្ថាន ក្នុងន័យអនុវត្តឲ្យបានល្អនូវគំនិតឯកភាពសំខាន់ៗរបស់ថ្នាក់ដឹកនាំនៃប្រទេសទាំងពីរ បង្កើនការតភ្ជាប់រវាងយុទ្ធសាស្ត្រអភិវឌ្ឍន៍ ជំរុញកិច្ចសហប្រតិបតិ្តការខាងសេដ្ឋកិច្ចនិងពាណិជ្ជកម្ម ក៏ដូចជាជំរុញកិច្ចសហប្រតិបតិ្តការផ្នែកផលិតភាព ដើម្បីជំរុញឲ្យទំនាក់ទំនងរវាងចិននិងកៀហ្ស៉ីស៊ីស្ថានឡើងដល់កម្រិតថ្មី ។ ដោយឡែក ក៏សង្ឃឹមភាគីទាំងពីរអាចបន្តពង្រឹងនិងពង្រីកឥតឈប់ឈរនូវកិច្ចសហប្រតិបតិ្តការមានផលប្រយោជន៍ដល់គ្នាទៅវិញទៅមក តាមកិច្ចកសាង “ខ្សែក្រវាត់មួយនិងផ្លូវមួយ” ។
ជាការឆ្លើយតប លោក Aidarbekov បានថ្លែងថា រដ្ឋាភិបាលកៀហ្ស៉ីស៊ីស្ថានគាំទ្រយ៉ាងមុតមាំនូវរាល់គោលជំហារដ៏ត្រឹមត្រូវរបស់ប្រទេសចិនក្នុងកិច្ចការផ្ទៃក្នុង ក្នុងនោះបូករួមទាំងបញ្ហាXin Jiang ផងដែរ បន្តប្រកាន់ខ្ជាប់យ៉ាងមុតមាំតទៅទៀតនូវគោលនយោបាយប្រទេសចិនមួយ និងខិតខំប្រឹងប្រែងឲ្យអស់សមត្ថភាពដើម្បីរក្សាឲ្យបានល្អនូវចំណងមិត្តភាពរវាងប្រទេសទាំងពីរតទៅគ្រប់ជំនាន់ ៕