ក្នុងសន្និសីទសារព័ត៌មានជាប្រចាំដែលធ្វើនៅក្រុងប៉េកាំងកាលពីថ្ងៃទី១៥ខែកុម្ភៈ លោកកឹងស័ងអ្នកនាំពាក្យក្រសួងការបរទេសចិនបានថ្លែងថា ប្រទេសចិនគាំទ្រជានិច្ចនូវកិច្ចខិតខំប្រឹងប្រែងរបស់រដ្ឋាភិបាលវេណេហ្ស៊ុអេឡាក្នុងការគាំពារអធិបតេយ្យភាព ឯករាជ្យនិងស្ថិរភាពជាតិ ។
តាមការផ្សាយដំណឹងឲ្យដឹងថា ពេលកន្លងទៅថ្មីៗនេះ រដ្ឋមន្រ្តីការបរទេសវេណេហ្ស៊ុអេឡាបានថ្លែងថា ប្រទេសពាក់ព័ន្ធ ក្នុងនោះបូករួមទាំងប្រទេសចិនផងកំពុងបង្កើតក្រុមដែលគាំទ្ររដ្ឋាភិបាលរបស់លោកMaduro ព្រមទាំងនឹងធ្វើប្រតិបត្តិការនៅរយៈពេលដ៏ខ្លីខាងមុខដើម្បីលើកកម្ពស់ការយល់ដឹងរបស់មជ្ឈដ្ឋានខាងក្រៅចំពោះគ្រោះថ្នាក់ដែលប្រជាជនវេណេហ្ស៊ុអេឡាត្រូវប្រឈមនោះ ។ទាក់ទិននឹងរឿងនេះ លោកកឹងស័ងបានថ្លែងថា ប្រទេសចិនគាំទ្រជានិច្ចនូវកិច្ចខិតខំប្រឹងប្រែងរបស់រដ្ឋាភិបាលវេណេហ្ស៊ុអេឡាក្នុងការគាំពារអធិបតេយ្យភាព ឯករាជ្យនិងស្ថិរភាពជាតិ ក៏ដូចជាអំពាវនាវជានិច្ចឲ្យបណ្តាភាគីនានាគាំទ្រគណៈបក្សនានារបស់វេណេហ្ស៊ុអេឡស្វែងរកគម្រោងដោះស្រាយដោយនយោបាយតាមរូបភាពធ្វើកិច្ចសន្ទនាដោយសន្តិវិធីក្នុងក្របខ័ណ្ឌរដ្ឋធម្មនុញ្ញ ។ប្រទេសចិនផ្តើមគំនិតឲ្យប្រទេសទាំងអស់សុទ្ធតែត្រូវគោរពកម្មវត្ថុនិងគោលការណ៍នៃធម្មនុញ្ញអង្គការសហប្រជាជាតិ មិនជ្រៀតជ្រែកកិច្ចការផ្ទៃក្នុងរបស់ប្រទេសដទៃទៀត៕