កាលពីឆ្នាំ ២០១៨ គណៈកម្មាធិការមជ្ឈិមបក្សកុម្មុយនិស្តចិននិងក្រុមប្រឹក្សាកិច្ចការរដ្ឋចិនបានផ្តល់គ្រឿងឥស្សរិយយសឆ្នើមបំផុតដល់ឥស្សរជនចំនួន ១០០ នាក់ក្នុងការចូលរួមធ្វើកំណែទម្រង់និងបើកទូលាយរបស់ចិន ។ ក្នុងនោះ លោក Ma Shanxiang អ្នកសម្របសម្រួលជម្លោះសម្រាប់ប្រជាជននៅតាមមូលដ្ឋានដ៏ឆ្នើមត្រូវបានផ្តល់គ្រឿងឥស្សរិយយសឆ្នើមបំផុតសម្រាប់ការត្រួសត្រាយនៃការធ្វើកំណែទម្រង់និងបើកទូលាយ ។ លោក Ma Shanxiang ធ្លាប់ត្រូវបានលោកស៊ីជីនភីងលើកសញ្ញាមេដៃជាការផ្តល់ការកោតសរសើរ ។ ក្នុងរយៈពេលជាច្រើនឆ្នាំកន្លងទៅនេះ លោកMa បានយកចិត្តទុកដាក់លើការងារសម្របសម្រួលជម្លោះ ដើម្បីជួយដោះស្រាយបញ្ហាកង្វល់របស់ប្រជាជន ហើយទទួលបានការកោតសរសើរជាទូទៅផងដែរ។