ថ្ងៃទី១០ខែកុម្ភៈ លោកស៊ីជីនភីងប្រធានរដ្ឋចិនបានផ្ញើសារជូនពរចំពោះសន្និសីទកំពូលលើកទី៣២នៃសហភាពអាហ្រ្វិកដែលបានបើកធ្វើនៅក្រុងអាឌីសអាបេបា។
ថ្លែងក្នុងសារជូនពរ លោកស៊ីជីនភីងបានលើកឡើងថា សហភាពអាហ្រ្វិកគឺជាជ្រោងទង់នៃទ្វីបអាហ្រ្វិកដើម្បីរួមគ្នាខ្លាំងក្លាឡើងដោយខ្លួនឯង។ ចាប់ពីឆ្នាំ២០១៨មក នៅក្រោមការដឹកនាំរបស់សហភាពអាហ្រ្វិក ដំណើរសមាហរណកម្មរបស់ទ្វីបអាហ្រ្វិកទទួលបានការវិវឌ្ឍដ៏សំខាន់ ប្រទេសអាហ្រ្វិកបន្តឯកភាពគ្នាបញ្ចេញសំឡេងក្នុងបញ្ហាអន្តរជាតិនិងតំបន់សំខាន់ៗ ហើយកម្លាំងឥទ្ធិពលរបស់ប្រទេសអាហ្រ្វិកត្រូវបង្កើនឡើងឥតឈប់ឈរ ។ទាក់ទិននឹងរឿងនេះ ខ្ញុំសូមសម្តែងការជូនពរយ៉ាងកក់ក្តៅ សូមប្រសិទ្ធពរយ៉ាងស្មោះឲ្យសហភាពអាហ្រ្វិកដឹកនាំបណ្តាប្រទេសអាហ្រ្វិកនានាទទួលបានសមិទ្ធផលកាន់តែធំនិងថ្មីឥតឈប់ឈរ៕
