គណៈកម្មាធិកាមជ្ឈិមបក្សកុម្មុយនិស្តចិននិងក្រុមប្រឹក្សាកិច្ចការរដ្ឋចិនបានរៀបចំពិធីជួបជុំដើម្បីអបអរសាទរបុណ្យចូលឆ្នាំថ្មីប្រពៃណីចិនឆ្នាំ ២០១៩ នៅក្រុងប៉េកាំងកាលពីថៃ្ងទី ៣ ខែកុម្ភៈ។លោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្ត ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានថ្លែងសុន្ទរកថាក្នុងនាមតំណាងឲ្យគណៈកម្មាធិការមជ្ឈិមបក្សនិងក្រុមប្រឹក្សាកិច្ចការរដ្ឋចិនដើម្បីសំដែងការសួរសុខទុក្ខនិងជូនពរឆ្នាំថ្មីប្រពៃណីចិនដល់ប្រជាជនគ្រប់ជនជាតិនៃប្រទេសចិនទាំងអស់ ជនរួមជាតិនៅតំបន់រដ្ឋបាលពិសេសហុងកុងនិងម៉ាកាវ ជនរួមជាតិនៅតំបន់តៃវ៉ាន់ និងអាណិកជននៅឯបរទេស។
នាថ្ងៃដដែល ឥស្សរជន ចំនួនជាង ២០០០ នាក់មកពីមជ្ឈដ្ឋាននានាបានមកជួបជុំគ្នានៅវិមានសភាប្រជាជនចិនដើម្បីអបអរសាទរបុណ្យចូលឆ្នាំថ្មីប្រពៃណីចិន៕
លោក ស៊ីជីនភីង បានសង្កត់ធ្ងន់ថា កាលពីឆ្នាំមុន ប្រជាជនចិនបានខិតខំប្រឹងប្រែងរត់ទៅមុខតាមផ្លូវអភិវឌ្ឍន៍ ហើយសមិទ្ធផលទាំងអស់នៅក្នុងបុព្វហេតុអភិវឌ្ឍន៍នៃគណបក្សនិងរដ្ឋ គឺជាញើសឈាមរបស់ប្រជាជន។នៅក្នុងឆ្នាំថ្មី ប្រទេសចិនគួរតែយកគំនិតនៃសង្គមនិយមដែលមានលក្ខណៈពិសេសចិននៅក្នុងយុគសម័យថ្មីជាការណែនាំ ប្រកាន់ខ្ជាប់នូវការអភិវឌ្ឍដែលមានគុណភាពខ្ពស់ ក៏ដូចជាធ្វើឲ្យប្រសើរឡើងនូវអារម្មណ៍ទទួលបានផល សុភមង្គលនិងសន្តិសុខរបស់ប្រជាជនដោយឥតឈប់ឈរ ដើម្បីអបអរសាទរខួបទី ៧០ នៃការបង្កើតសាធារណរដ្ឋប្រជាមានិតចិនតាមរយៈសមិទ្ធផលដ៏លេចធ្លោ៕