លោក Geir Pedersen បេសកជនពិសេសស្តីពីបញ្ហាស៊ីរីអាណត្តិថ្មីរបស់អគ្គលេខាធិការនៃអង្គការសហប្រជាជាតិបានថែ្លងនៅក្រុងដាម៉ាស រដ្ឋធានីស៊ីរីកាលពីថ្ងៃទី ១៥ ថា លោកនឹងខិតខំប្រឹងប្រែងឲ្យអស់ពីសមត្ថភាពដើម្បីលើកកម្ពស់ការដំណោះស្រាយបញ្ហាស៊ីរីដោយវិធីនយោបាយ។
លោក Geir Pedersen បានទៅដល់ប្រទេសស៊ីរីនាថ្ងៃដដែល ហើយបានជួបពិភាក្សាការងារជាមួយលោក Walid Muallem ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសស៊ីរីដើម្បីធ្វើការពិគ្រោះពិភាក្សាអំពីដំណើរការនៃការពន្លឿនការដំណោះស្រាយវិបត្តិស៊ីរីដោយវិធីនយោបាយ។លោកបានថែ្លងថា នឹងស្តាប់ដោយយកចិត្តទុកដាក់ចំពោះទស្សនៈរបស់រដ្ឋាភិបាលស៊ីរី ហើយនឹងខិតខំប្រឹងប្រែងឲ្យអស់ពីសមត្ថភាពដើម្បីលើកកម្ពស់ការដំណោះស្រាយបញ្ហាស៊ីរីដោយវិធីនយោបាយអនុលោមតាមធម្មនុញ្ញនៃអង្គការសហប្រជាជាតិនិងគោលការណ៍នៃសេចក្តីសម្រេចចិត្តពាក់ព័ន្ធរបស់ក្រុមប្រឹក្សាសន្តិសុខ៕
