លោកជំទាវ Peng Liyuan ភរិយារបស់លោក ស៊ី ជីនភីង ប្រធានរដ្ឋចិននិងលោកជំទាវ Jenni Haukio ភរិយារបស់លោកប្រធានាធិបតីហ្វាំងឡង់បានទស្សនាការអានកំណាព្យនិងប្រគំតន្ត្រីរួមគ្នានៅថ្ងៃទី ១៥ ខែមករានៅឯទីក្រុងប៉េកាំង។
នារសៀលថ្ងៃដដែល លោកជំទាវជាភរិយានៃប្រមុខដឹកនាំទាំងពីររូបបានអញ្ជើញមកដល់មជ្ឈមណ្ឌលប្រមូលផ្តុំ Beijing Fun ដែលស្ថិតនៅមហាវិថី Qianmen ហើយបានពិសាទឹកតែនិងរីករាយជាមួយការទស្សនាការសំដែងដ៏អស្ចារ្យរបស់និស្សិតចិនផងដែរ។ និស្សិតផ្នែកភាសាហ្វាំងឡង់បានអានកំណាព្យដែលទទួលបានពានរង្វាន់របស់លោកជំទាវ Haukio , បន្ទាប់មកបានច្រៀងកំណាព្យបុរាណចិន ព្រមទាំងប្រគំឧបករណ៍តន្ត្រីវីយូឡង់និងព្យាណូជាបទភ្លេងស្នាដៃនិពន្ធដោយលោក Jean Sibelius អ្នកនិពន្ធបទភ្លេងដ៏ល្បីឈ្មោះរបស់ប្រទេសហ្វាំងឡង់ផងដែរ។ ពាក្យកំណាព្យ បទចម្រៀង និងភ្លេងបានបង្កើតស្ពានសម្រាប់តភ្ជាប់ទឹកចិត្តជាមួយគ្នា បានបន្សល់ទុកនូវអនុស្សាវរីយ៍ដ៏ស្រស់ស្អាតនិងគួរឲ្យជាប់ចិត្តនៃចំណងមិត្តភាពរវាងចិននិងហ្វាំងឡង់៕