ថ្ងៃទី១៥ខែមករា សមាគមអ្នកសារព័ត៌មានទូទាំងប្រទេសចិនបានផ្លាស់ប្តូរទស្សនៈគ្នាជុំវិញស្ថានការណ៍សេដ្ឋកិច្ចពិភពលោកឆ្នាំ២០១៩ជាមួយអ្នកសារព័ត៌មានអន្តរជាតិប្រចាំនៅក្រុងប៉េកាំងនិងមន្ត្រីព័ត៌មាននៃស្ថានទូតអន្តរជាតិប្រចាំនៅប្រទេសចិនជាដើម ។
លោកស្រី Chen Fengying អតីតប្រធានមន្ទីរស្រាវជ្រាវសេដ្ឋកិច្ចពិភពលោកនៃវិទ្យាស្ថានស្រាវជ្រាវទំនាក់ទំនងអន្តរជាតិសម័យទំនើបរបស់ប្រទេសចិនបានថ្លែងក្នុងពេលផ្លាស់ប្តូរទស្សនៈគ្នាថា កំណើនសេដ្ឋកិច្ចពិភពលោកឆ្នាំ២០១៨គឺខ្ពស់ជាងកំណើនជាមធ្យមពីឆ្នាំ១៩៦០ដល់ឆ្នាំ២០០៨ ហើយនិន្នាការសេដ្ឋកិច្ចពិភពលោកឆ្នាំ២០១៩នឹងកាន់តែស្មុគស្មាញ ដូច្នេះត្រូវតែបង្វែរវិបត្តិទៅជាឱកាស ។ ប្រទេសចិននឹងជំរុញការអភិវឌ្ឍសេដ្ឋកិច្ចប្រកបដោយគុណភាពខ្ពស់ដោយមិនងាករេ ដើម្បីផ្តល់ភាពប្រាកដនិយមបន្ថែមទៀតដល់សេដ្ឋកិច្ចពិភពលោក ។