ថ្ងៃទី១៥ខែមករា តាមការផ្សាយនៃប្រព័ន្ធសារព័ត៌មានរុស្ស៊ីឲ្យដឹងថា លោក Dmitry Peskov លេខាធិការព័ត៌មានរបស់ប្រធានាធិបតីរុស្ស៊ីបានថ្លែងនៅពេលថ្មីៗកន្លងទៅនេះថា រឿងអំពីការដែលលោកត្រាំ ប្រធានាធិបតីសហរដ្ឋអាមេរិកត្រូវគេសង្ស័យថា “មានទំនាក់ទំនងជាមួយរុស្ស៊ី”គឺជាគំនិតឧបាយកលរបស់ភាគីអាមេរិក គឺជាការបែកបាក់នៃសង្គមអាមេរិក ។
លោក Dmitry Peskov បានថ្លែងថា រាប់សិបឆ្នាំកន្លងទៅនេះ ភាគីរុស្ស៊ីបានរងការគាបសង្កត់គ្រប់បែបយ៉ាងពីប្រទេសប៉ែកខាងលិចឥតឈប់ឈរ ។ ទោះបីសហរដ្ឋអាមេរិកជាតួអង្គសេដ្ឋកិច្ចធំបំផុតលើពិភពលោកក៏ដោយ ក៏ការដាក់ទណ្ឌកម្មរបស់សហរដ្ឋអាមេរិកលើរុស្ស៊ីមិនអាចបង្ខំឲ្យរុស្ស៊ីកែប្រែគោលនយោបាយរបស់ខ្លួនដែលឯករាជ្យនិងម្ចាស់ការនោះទេ ។
