វិទ្យាស្ថានសិក្សាស្រាវជ្រាវសេដ្ឋកិច្ច Oxford ដែលជាឃ្លាំងគំនិតនៃប្រទេសអង់គ្លេសបានចេញផ្សាយរបាយការណ៍វិភាគមួយកាលពីថ្ងៃទី ១៥ ខែមករាថា ប្រទេសចិនជាដៃគូពាណិជ្ជកម្មសំខាន់បំផុតសម្រាប់តួអង្គសេដ្ឋកិច្ចនៃតំបន់អាស៊ី-ប៉ាស៊ីហ្វិក ហើយនិន្នាការនេះនឹងមិនកែប្រែទេក្នុងរយៈពេលច្រើនឆ្នាំខាងមុខនេះ។
របាយការណ៍មួយនេះបានបញ្ជាក់ថា ចាប់ពីឆ្នាំ ២០០១ រៀងមក សេដ្ឋកិច្ចតំបន់អាស៊ី-ប៉ាស៊ីហ្វិកនិងសេដ្ឋកិច្ចចិនបានសម្រេចកម្រិតសមាហរណកម្មខ្ពស់។ ជាពិសេសអាស៊ីអាគ្នេយ៍និងឥណ្ឌា មានការពឹងផ្អែកខ្ពស់លើការនាំចូលផលិតផលចិន។ សម្រាប់តួអង្គសេដ្ឋកិច្ចអាស៊ី-ប៉ាស៊ីហ្វិកភាគច្រើន ការរួមបញ្ចូលគ្នាទៅក្នុងខ្សែសង្វាក់ផ្គត់ផ្គង់ក្នុងអាស៊ីហើយឈានចូលក្នុងទីផ្សារចិន គឺជាគន្លឹះនៃការអភិវឌ្ឍឧស្សាហកម្មដោយជោគជ័យរបស់ខ្លួន៕
