ថ្ងៃទី១៥ខែមករា សភាជាន់ទាបនៃអង់គ្លេសបានបដិសេធកិច្ចព្រមព្រៀងស្តីពីការដកខ្លួនចេញពីសហភាពអឺរ៉ុប ។ សហភាពអឺរ៉ុបនិងប្រទេសជាសមាជិករបស់ខ្លួនជាច្រើនបានសំដែងការសោកស្តាយចំពោះការនេះ ហើយទាមទារឲ្យអង់គ្លេសបំភ្លឺអំពីគោលជំហររបស់ខ្លួនលើការដកខ្លួនចេញពីសហភាពអឺរ៉ុប ។ ព្រមពេលជាមួយនេះបានបង្ហាញថា គួរតែធ្វើការត្រៀមជាបន្ទាន់សម្រាប់អង់គ្លេសដកខ្លួនចេញពីសហភាពអឺរ៉ុបដោយគ្មានកិច្ចព្រមព្រៀង ។
យប់ថ្ងៃទី១៥ខែមករា លោក Jean Juncker ប្រធានគណៈកម្មាធិការសហភាពអឺរ៉ុបបានចេញសេចក្តីថ្លែងការណ៍មួយថា របៀបវារៈនៃការអនុម័តរបស់សហភាពអឺរ៉ុបលើកិច្ចព្រមព្រៀងស្តីពីការដកខ្លួនរបស់អង់គ្លេសចេញពីសហភាពអឺរ៉ុបនៅតែបន្ត ។ កិច្ចព្រមព្រៀងនេះគឺយុត្តិធម៌ ហើយក៏ជាកិច្ចព្រមព្រៀងល្អបំផុតចំពោះភាគីទាំងពីរដែរ ។