ប្រទេសចិននិងអាមេរិកបានធ្វើការពិគ្រោះពិភាក្សាថ្នាក់អនុរដ្ឋមន្រ្តីអំពីបញ្ហាសេដ្ឋកិច្ចនិងពាណិជ្ជកម្មនៅក្រុងប៉េកាំងពីថ្ងៃទី៧ដល់៩ខែមករា ។ ថ្លែងអំពីផ្លែផ្កានៃការពិគ្រោះពិភាក្សាលើកនេះ លោកGaoFengអ្នកនាំពាក្យព័ត៌មាននៃក្រសួងពាណិជ្ជកម្មចិនបានលើកឡើងក្នុងសន្និសីទសារព័ត៌មានជាប្រចាំដែលធ្វើនៅថ្ងៃទី១០ខែមករាថា ភាគីទាំងពីរបានអនុវត្តយ៉ាងសកម្មនូវគំនិតឯកភាពសំខាន់ៗរបស់ប្រមុខរដ្ឋនៃប្រទេសទាំងពីរ និងផ្លាស់ប្តូរមតិយោបល់យ៉ាងទូលំទូលាយ ស៊ីជម្រៅនិងលម្អិតអំពីបញ្ហាដែលយកចិត្តទុកដាក់ដូចគ្នា។
លោកGaoFengបានថ្លែងថា បញ្ហារចនាសម្ព័ន្ធគឺជាខ្លឹមសារសំខាន់ក្នុងការពិគ្រោះពិភាក្សាអំពីបញ្ហាសេដ្ឋកិច្ចនិងពាណិជ្ជកម្មរវាងចិននិងអាមេរិកលើកនេះ ។ការពិគ្រោះពិភាក្សាលើវិស័យនេះទទួលបានការវិវឌ្ឍរីកចម្រើន បានបង្កើនការយល់ដឹងពីគ្នាទៅវិញទៅមក ហើយក៏បានបង្កើតមូលដ្ឋានសម្រាប់ដោះស្រាយបញ្ហាដែលយកចិត្តទុកដាក់ដូចគ្នាផងដែរ។ នៅជំហានក្រោយ ក្រុមការងារនៃភាគីទាំងពីរនឹងបន្តធ្វើការខិតខំប្រឹងប្រែងជាមួយគ្នា ដើម្បីជំរុញការងារពិគ្រោះពិភាក្សាឲ្យប្រព្រឹត្តទៅតាមការគ្រោងទុក៕
