លោក វ៉ាង យី សមាជិកក្រុមប្រឹក្សាកិច្ចការរដ្ឋចិននិងជារដ្ឋមន្ត្រីការបរទេសចិនបានជួបពិភាក្សាតាមទូរស័ព្ទជាមួយលោក Jeremy Hunt រដ្ឋមន្ត្រីការបរទេសអង់គេ្លសតាមការណាត់កាលពីពេលកន្លងទៅនេះ ក្នុងន័យផ្លាស់ប្តូរមតិយោបល់អំពីទំនាក់ទំនងរវាងចិននិងអង់គ្លេសនិងបញ្ហាស្តីពីមីយ៉ាន់ម៉ា ។ ថ្លែងក្នុងជំនួបតាមទូរស័ព្ទ លោក វ៉ាង យី បានលើកឡើងថា ប្រឈមនឹងសភាពការណ៍អន្តរជាតិបច្ចុប្បន្នដែលពោរពេញដោយភាពមិនប្រាកដប្រជា ក្នុងឋានៈជាដៃគូយុទ្ធសាស្ត្រគ្រប់ជ្រុងជ្រោយ ប្រទេសចិននិងអង់គ្លេសត្រូវបង្កើនការប្រាស្រ័យទាក់ទងនិងកិច្ចសហប្រតិបតិ្តការលើវិស័យយុទ្ធសាស្ត្រ និងរួមគ្នាដើរតួនាទីលំនឹងស្ថិរភាព ។ ទាក់ទិននឹងបញ្ហាស្តីពីមីយ៉ាន់ម៉ា លោក វ៉ាង យី បានថ្លែងទៀតថា ភារកិច្ចជាបន្ទាន់គឺត្រូវលើកទឹកចិត្តឲ្យមីយ៉ាន់ម៉ានិងបង់ក្លាដែសបង្កើនការប្រាស្រ័យទាក់ទងនិងសម្របសម្រួលទ្វេភាគី និងចាប់ផ្តើមធ្វើការងារបញ្ជូនក្រុមជនភៀសខ្លួនដំបូងឲ្យត្រឡប់ទៅស្រុកកំណើតវិញ ដើម្បីដើរតួនាទីប្រកបដោយលក្ខណៈស្ថាបនាសម្រាប់ជំរុញដំណោះស្រាយបញ្ហា ។
ជាការឆ្លើយតប លោក Jeremy Hunt បានថ្លែងថា ប្រទេសអង់គ្លេសយកចិត្តទុកដាក់ខ្ពស់ចំពោះការអភិវឌ្ឍទំនាក់ទំនងជាមួយប្រទេសចិន ហើយរីករាយរក្សាការប្រាស្រ័យទាក់ទងនិងការសម្របសម្រួលជាមួយប្រទេសចិន ក្នុងន័យពិគ្រោះពិភាក្សាអំពីការអភិវឌ្ឍទំនាក់ទំនងទ្វេភាគី និងបញ្ហាជាចំណុចក្តៅពាក់ព័ន្ធ ក្នុងនោះក៏បូករួមបញ្ហាមីយ៉ាន់ម៉ាផងដែរ ៕
