ថ្ងៃទី ៩ ខែមករា ក្រសួងការបរទេសរុស្ស៊ីបានចេញសេចក្តីថ្លែងការណ៍ថា ពាក្យសម្តីរបស់ភាគីជប៉ុនអំពីបញ្ហាប្រជុំកោះKuril នាពេលថ្មីៗនេះបានមួលបង្កាច់យ៉ាងខ្លាំងនូវន័យពិតនៃការទាមទាររបស់ថ្នាក់ដឹកនាំរុស្ស៊ីនិងជប៉ុនក្នុងការពន្លឿនការធ្វើការចរចាអំពីកិច្ចព្រមព្រៀងសន្តិភាព ។
គួររំលឹកថា កោះចំនួនបួនដែលស្ថិតនៅភាគខាងត្បូងនៃប្រជុំកោះKuril ជាកោះមានជម្លោះរវាងប្រទេសរុស្ស៊ីនិងជប៉ុន ។ ដោយមកពីមានជម្លោះខ្លាំងអំពីបញ្ហាមួយនេះ ទើបរហូតដល់បច្ចុប្បន្ននេះ ប្រទេសទាំងពីរមិនបានចុះហត្ថលេខាលើសន្ធិសញ្ញាសន្តិភាពនោះឡើយ ។
តាមដំណឹងនៃទីភ្នាក់ងារសារព័ត៌មានផ្កាយរណបរុស្ស៊ីឲ្យដឹងថា ពីថ្ងៃទី ១២ ដល់ទី ១៦ ខែមករាខាងមុខនេះ លោកTaro Kono រដ្ឋមន្រ្តីក្រសួងការបរទេសជប៉ុននឹងបំពេញទស្សនកិច្ចនៅរុស្ស៊ី ព្រមនិងជួបពិភាក្សាការងារជាមួយលោកSergei Lavrov រដ្ឋមន្រ្តីក្រសួងការបរទេសរុស្ស៊ីផងដែរ ។ ក្នុងកិច្ចជួបពិភាក្សាមួយនេះ បញ្ហាពិភាក្សាសំខាន់ជាងគេរបស់ភាគីទាំងពីរគឺការចុះហត្ថលេខាលើកិច្ចព្រមព្រៀងសន្តិភាព ៕
