រសៀលថ្ងៃ ទី១៥ខែវិច្ឆិកា លោក លីខឺឈាង នាយករដ្ឋមន្រ្តីនៃក្រុមប្រឹក្សាកិច្ចការរដ្ឋចិនបានជួបពិភាក្សាជាមួយនិងលោកស្រី Aung San Suu Kyi ទីប្រឹក្សារដ្ឋមីយ៉ាន់ម៉ានៅមជ្ឈមណ្ឌលសន្និសីទនិងពិព័រណ៍សិង្ហបុរី។
លោក លីខឺឈាង បានថ្លែងថា ប្រទេសចិនយកចិត្តទុកដាក់ខ្ពស់ទៅលើការអភិវឌ្ឍទំនាក់ទំនងជាមួយប្រទេសមីយ៉ាន់ម៉ា គាំទ្រប្រទេសមីយ៉ាន់ម៉ាដើរតាមផ្លូវអភិវឌ្ឍន៍ដែលសមស្របនឹងស្ថានការណ៍របស់ប្រទេសខ្លួន។ ប្រទេសចិនគាំទ្រការខិតខំប្រឹងប្រែងរបស់ប្រទេសមីយ៉ាន់ម៉ាក្នុងការគាំពារស្ថិរភាពក្នុងប្រទេស គាំទ្រប្រទេសមីយ៉ាន់ម៉ានិងប្រទេសបង់ក្លាដែស ដោះស្រាយបញ្ហារដ្ឋ Rakhineដោយសមរម្យតាមរយៈការពិគ្រោះពិភាក្សា ហើយចិនរីករាយក្នុងការផ្តល់ការគាំទ្រនិងជំនួយដ៏ចំបាច់ដើម្បីសម្រេចបានរឿងនេះ។
ជាការឆ្លើយតប លោកស្រី Aung San Suu Kyi បានថ្លែងថា ប្រទេសមីយ៉ាន់ម៉ារីករាយរួមាហការជាមួយនិងប្រទេសចិនដើម្បីបង្កើនកិច្ចសហប្រតិបត្តិការលើវិស័យដូចជាសេដ្ឋកិច្ចពាណិជ្ជកម្មធនធានមនុស្សនិងអប់រំជាដើម ក៏ដូចជាបន្តរួមជាមួយនិងភាគីពាក់ព័ន្ធធ្វើការខិតខំប្រឹងប្រែង ដើម្បីបង្កើតបរិស្ថានខាងក្រៅដ៏ល្អប្រសើរដើម្បីសម្រេចនូវសន្តិភាពនិងវឌ្ឍនភាពរបស់ប្រទេសមីយ៉ាម៉ា៕