ថ្ងៃទី ១៥ ខែវិច្ឆិកា លោកស្រី Hua Chunying អ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងថា ប្រទេសចិនរីករាយរួមសហការជាមួយបណ្តាប្រទេសដើម្បីបន្តជំរុញការចរចាស្តីពីកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់(ហៅកាត់ RECP )ដោយឈរលើគោលការណ៍គោរពគ្នា យោគយល់និងធ្វើសម្បទានដល់គ្នាទៅវិញទៅមក ក្នុងន័យធ្វើឲ្យប្រជាជននៃបណ្តាប្រទេសនានាក្នុងតំបន់ទទួលបានផលប្រយោជន៍ក្នុងពេលឆាប់ៗ ។
សូមបញ្ជាក់ថា សនិ្នសីទថ្នាក់ដឹកនាំនៃកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់លើកទី២ បានប្រារព្ធធ្វើនៅប្រទេសសិង្ហបុរីកាលពីថ្ងៃទី ១៤ ខែវិច្ឆិកា ។ លោក លីខឺឈាង នាយករដ្ឋមន្ត្រីចិនបានអញ្ជើញចូលរួមក្នុងសនិ្នសីទ ។ សនិ្នសីទបានចេញផ្សាយសេចកី្តថ្លែងការណ៍រួមអះអាងថា ការចរចា RECPបានទទួលការវិវឌ្ឍរីកចម្រើនដោយប្រាកដប្រជាជាស្រេចហើយ ដោយបណ្តាភាគីនានាសុទ្ធតែបានបង្ហាញពីការបេ្តជ្ញាចិត្តដែលចង់ឈានដល់កិច្ចព្រមព្រៀងមួយនេះនៅឆ្នាំ ២០១៩ ៕