ថ្ងៃទី ១៦ ខែវិច្ឆិកា លោកស៊ី ជីនភីង ប្រធានរដ្ឋចិនបានជួបពិភាក្សាជាមួយនិងលោក BobDadae អគ្គទេសាភិបាលប្រទេសប៉ាពូអាស៊ីនូវែហ្គីណេនៅកំពង់ផែMoresby ប្រទេសប៉ាពូអាស៊ីនូវែលហ្គីណេ ។
ក្នុងកិច្ចជំនួប លោកស៊ី ជីនភីងបានថ្លែងថា ដំណើរទស្សនកិច្ចលើកនេះជាលើកទីមួយដែលខ្ញុំបំពេញទស្សនកិច្ចនៅប្រទេសប៉ាពូអាស៊ីនូវែលហ្គីណេដ៏ស្រស់ស្អាត ហើយក៏ជាលើកទីមួយដែរដែលប្រធានរដ្ឋចិនបំពេញទស្សនកិច្ចនៅប្រទេសប៉ាពូអាស៊ីនូវែលហ្គីណេផងដែរ ។ ប្រទេសចិននិងប៉ាពូអាស៊ីនូវែលហ្គីណេមានមិត្តភាពជ្រាលជ្រៅតាំងពីយូរណាស់មកហើយ សង្ឃឹមថា ដំណើរទស្សនកិច្ចរបស់ខ្ញុំលើកនេះអាចលើកកម្ពស់កម្រិតនៃទំនាក់ទំនងរវាងទ្វេភាគី ពង្រីកការប្រាស្រ័យទាក់ទងគ្នាដោយគ្រប់ជ្រុងជ្រោយរវាងប្រទេសទាំងពីរ និងជំរុញដល់កិច្ចផ្លាស់ប្តូររវាងប្រជាជននៃប្រទេសទាំងពីរ ព្រមនិងជំរុញឲ្យកិច្ចសហប្រតិបត្តិការដ៏ពិតប្រាកដលើវិស័យទូលំទូលាយទទួលបានផ្លែផ្កាដ៏ច្រើន ។ ប្រទេសចិនដាច់ខាតផ្តោតសំខាន់ទៅលើសាមគ្គីភាពនិងកិច្ចសហប្រតិបត្តិការជាមួយប្រទេសកោះនៃមហាសមុទ្រប៉ាស៊ីហ្វិក ក៏ដូចជាប្រទេសប៉ាពូអាស៊ីនូវែលហ្គីណេផងដែរ ។
ជាការឆ្លើយតប លោក BobDadae បានថ្លែងថា ប្រទេសប៉ាពូអាស៊ីនូវែលហ្គីណេរីករាយរួមសហការជាមួយប្រទេសចិនដើម្បីជំរុញទំនាក់ទំនងរវាងប្រទេសទាំងពីរឲ្យឈានដល់កម្រិតកាន់តែខ្ពស់ថែមទៀត ៕
