ថ្ងៃទី ១៤ ខែវិច្ឆិកា ក្រសួងការបរទេសសិង្ហបុរីបានចេញសេចក្តីថ្លែងការណ៍នៃប្រទេសជាប្រធានផ្លាស់វេននៃសមាគមអាស៊ានថា សន្និសីទថ្នាក់ដឹកនាំអាស៊ាននិងរុស្ស៊ីដែលបានបើកធ្វើនៅថ្ងៃដដែល បានអនុម័តសេចក្តីថ្លែងការណ៍រួម ដោយបានសម្រេចជាឯកច្ឆន្ទថា នឹងលើកកម្ពស់កម្រិតនៃទំនាក់ទំនងរវាងទ្វេភាគីពីភាពជាដៃគូសន្ទនាទៅជាដៃគូយុទ្ធសាស្រ្ត ។
តាមសេចក្តីថ្លែងការណ៍រួមនៃប្រទេសជាប្រធានផ្លាស់វេនរបស់សមាគមអាស៊ានបានចែងទៀតថា ភាគីទាំងពីរបានរំលឹកឡើងវិញពីជំហរមុតមាំក្នុងការគាំពារប្រព័ន្ធពាណិជ្ជកម្មពហុភាគីដែលប្រកបដោយភាពបើកចំហ បរិយាប័ន្ន និងឈរលើមូលដ្ឋាននៃច្បាប់កំណត់ ហើយនឹងផ្តោតសំខាន់លើការអនុវត្តផែនការស្តីអំពីកិច្ចសហប្រតិបត្តិការពាណិជ្ជកម្មនិងការវិនិយោគរវាងអាស៊ាននិងរុស្ស៊ី ដើម្បីបង្កើនទំនាក់ទំនងផ្នែកពាណិជ្ជកម្មនិងការវិនិយោគរវាងភាគីទាំងពីរ ៕
