ថ្ងៃទី ៧ ខែវិច្ឆិកា នៅក្រុងវីយេន លោក Wang Qun តំណាងប្រទេសចិនប្រចាំជាអចិន្ត្រៃយ៍នៅអង្គការសហប្រជាជាតិនិងអង្គការអន្តរជាតិដទៃទៀតនៅវីយេនបានអញ្ជើញចូលរួមសន្និបាតពេញអង្គនៃគណៈកម្មាធិការត្រៀមរៀបចំនៃអង្គការ«សន្ធិសញ្ញាអំពីការហាមប្រាមការសាកល្បងនុយគ្លេអ៊ែរដោយគ្រប់ជ្រុងជ្រោយ» ហើយលោកបានអំពាវនាវឲ្យបង្កើនតួនាទីសំខាន់នៃ «សន្ធិសញ្ញាហាមប្រាមការសាកល្បងនុយគ្លេអ៊ែរដោយគ្រប់ជ្រុងជ្រោយ»។
លោកបានថ្លែងថា ស្ថានការណ៍សន្តិភាពអន្តរជាតិបច្ចុប្បន្នកំពុងកាន់តែស្មុគស្មាញ ហើយប្រទេសជាប់ពាក់ព័ន្ធមួយចំនួនបានកាន់គោលជំហរអវិជ្ជមានចំពោះ«សន្ធិសញ្ញាហាមប្រាមការសាកល្បងនុយគ្លេអ៊ែរដោយគ្រប់ជ្រុងជ្រោយ» ។ ក្នុងកាលៈទេសៈបែបនេះ សន្ធិសញ្ញាគួរតែដើរតួនាទីសំខាន់កាន់តែខ្លាំងក្នុងការកាត់បន្ថយហានិភ័យនៃសង្គ្រាមនុយគ្លេអ៊ែរ និងការថែរក្សាសន្តិភាពនិងសន្តិសុខពិភពលោក តែមិនអាចកាត់បន្ថយទេ៕
