ថ្ងៃទី ១៦ ខែតុលា ក្រសួងការបរទេសអ៊ីរ៉ង់បានចេញសេចក្តីថ្លែងការណ៍ អំពាវនាវឲ្យប៉ាគីស្ថានចាត់វិធានការសម្រាប់ជួយសង្រ្គោះជនជាតិអ៊ីរ៉ង់ដែលត្រូវចាប់ពង្រត់ដោយជនប្រដាប់អាវុធនៅតាមបណ្តោយព្រំដែនរវាងប្រទេសអ៊ីរ៉ង់និងប៉ាគីស្ថាន ។ ក្រសួងការបរទេសប៉ាគីស្ថានបានឲ្យដឹងថា ភាគីប៉ាគីស្ថាននឹងសហការជួយសង្រ្គោះជនជាតិអ៊ីរ៉ង់ដែលបាត់ខ្លួន ។
តាមការផ្សាយដំណឹងរបស់ទីភ្នាក់ងារសារព័ត៌មាននៃសាធារណរដ្ឋអ៊ីស្លាមអ៊ីរ៉ង់នាថ្ងៃទី ១៦ ខែតុលាបានឲ្យដឹងថា សមាជិកនៃកងជីវពលអ៊ីរ៉ង់ចំនួន ១៤ នាក់និងបុគ្គលរក្សាសន្តិសុខនៅព្រំដែនត្រូវភេរវជនចាប់ពង្រត់នៅតាមបណ្តោយព្រំដែនរវាងខេត្តSistanនិងខេត្តBaluchestan នៃប្រទេសអ៊ីរ៉ង់និងប៉ាគីស្ថាន ៕
