ថ្ងៃទី ១៦ ខែតុលា ក្នុងសនិ្នសីទសារព័ត៌មានជាប្រចាំដែលបើកធ្វើនៅក្រុងប៉េកាំង លោក Lu Kang អ្នកនាំពាក្យក្រសួងការបរទេសចិនបានថ្លែងថា ប្រទេសចិនមានអធិបតេយ្យភាពដែលមិនអាចប្រកែកបានចំពោះប្រជុំកោះ និងលំហសមុទ្រជុំវិញនៅសមុទ្រចិនខាងត្បូង ។ ប្រទេសចិនដាស់តឿនឲ្យសហរដ្ឋអាមេរិកបញ្ឈប់ធ្វើការប៉ះពាក់ដល់អធិបតេយ្យភាពនិងផលប្រយោជន៍សនិ្តសុខរបស់ប្រទេសចិនទៀត គឺត្រូវធ្វើជាអ្នកកសាងសនិ្តភាពនិងស្ថិរភាពរបស់សមុទ្រចិនខាងត្បូង តែមិនមែនជាអ្នកបំផ្លិចបំផ្លាញនោះទេ ។
តាមការផ្សាយដំណឹងឲ្យដឹងថា នាពេលថ្មីៗកន្លងទៅនេះ ថ្នាក់ដឹកនាំនៃសហរដ្ឋអាមេរិកបានថ្លែងសុន្ទរកថាអះអាងថា ប្រទេសចិនកំពុងធ្វើយោធូបនីយកម្មនៅសមុទ្រចិនខាងត្បូង ព្រមទាំងបានធ្វើការរំខានយ៉ាងកម្រោលទៅលើនាវាចម្បាំងអាមេរិកដែលកំពុងធ្វើនាវាចរណ៍ដោយសេរីនោះ ៕
