ថ្ងៃទី ១៦ ខែតុលា លោកLu Kang អ្នកនាំពាក្យនៃក្រសួងការបរទេសចិនបានថ្លែងថា កិច្ចប្រជុំលើកទី ៣ នៃយន្តការពិគ្រោះពិភាក្សាទ្វេភាគីរវាងប្រទេសចិននិងហ្វីលីពីនស្តីអំពីបញ្ហាសមុទ្រចិនខាងត្បូងនឹងបើកធ្វើនៅប្រទេសចិននៅថ្ងៃទី ១៨ ខែតុលាខាងមុខនេះ ។
លោកបានមានប្រសាសន៍ទៀតថា ភាគីទាំងពីរនឹងធ្វើការផ្លាស់ប្តូរមតិយោបល់អំពីស្ថានការណ៍នៅសមុទ្រចិនខាងត្បូងនាពេលបច្ចុប្បន្ននិងបញ្ហាដែលបានយកចិត្តទុកដាក់រៀងខ្លួន ព្រមនិងធ្វើការពិគ្រោះពិភាក្សាអំពីកិច្ចសហប្រតិបត្តិការជាក់ស្តែងតាមសមុទ្រ ពោលបូករួមទាំងការរួមសហការគ្នាស្ទង់រកបេ្រងកាតនិងឧស្ម័នក្នុងសមុទ្រជាដើម ។ ប្រទេសចិនជឿជាក់ថា ការបើកធ្វើកិច្ចប្រជុំដោយជោគជ័យ វានឹងរួមចំណែកយ៉ាងសកម្មសម្រាប់ការជំរុញការអភិវឌ្ឍទំនាក់ទំនងរវាងប្រទេសចិននិងហ្វីលីពីនប្រកបដោយមានភាពរឹងមាំ និងគាំពារសន្តិភាពនិងស្ថិរភាពនៅសមុទ្រចិនខាងត្បូងផងដែរ ៕
