ថ្ងៃទី១០ខែតុលា សន្និសីទលើកទី៦រវាងក្រសួងសន្តិសុខសាធារណៈចិននិងវៀតណាមស្តីពីកិច្ចសហប្រតិបត្តិការក្នុងការបង្រ្កាបបទឧក្រិដ្ឋបានបើកធ្វើនៅក្រុងប៉េកាំង។លោកZhaoKezhiសមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីក្រសួងសន្តិសុខសាធារណៈនៃប្រទេសចិននិងលោកTo Lamសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តវៀតណាមនិងជារដ្ឋមន្រ្តីក្រសួងសន្តិសុខសាធារណៈនៃប្រទេសវៀតណាមបានរួមគ្នាចូលរួមសន្និសីទ។
ថ្លែងក្នុងសន្និសីទ លោកZhaoKezhiបានលើកឡើងថា រំពឹងថាភាគីទាំងពីរអាចអនុវត្តយ៉ាងផ្ចិតផ្ចង់នូវគំនិតឯកភាពសំខាន់របស់ថ្នាក់ដឹកនាំបក្សទាំងពីរនិងប្រទេសទាំងពីរ ធ្វើឲ្យស៊ីជម្រៅឥតឈប់ឈរនូវកិច្ចសហប្រតិបត្តិការជាក់ស្តែងលើវិស័យនានាដូចជាការគាំពារសន្តិសុខជាតិ ប្រឆាំងភេរវកម្ម បង្រ្កាបបទឧក្រិដ្ឋឆ្លងដែននិងការគ្រប់គ្រងព្រំដែនជាដើម បង្កើនកិច្ចសហប្រតិបត្តិការខាងការការពារសន្តិសុខនៃគម្រោងសំខាន់ៗ ក៏ដូចជាចាប់ដៃបង្កើតជាទំនាក់ទំនងភាពជាដៃគូសហប្រតិបត្តិការជាយុទ្ធសាស្រ្តក្នុងការអនុវត្តច្បាប់រវាងចិននិងវៀតណាម៕