តាមដំណឹងផ្សាយឲ្យដឹងថា ពេលថ្មីៗកន្លងទៅនេះ ថ្នាក់ដឹកនាំអាមេរិកបានប្រកាសជាច្រើនសារច្រើនលើកថា ក្នុងរយៈពេល២០ឆ្នាំកន្លងទៅនេះ អាមេរិកធ្វើពាណិជ្ជកម្មជាមួយប្រទេសចិនដោយមានឱនភាពពាណិជ្ជកម្មយ៉ាងច្រើនសម្បើម បានបញ្ជូនទ្រព្យសម្បតិ្តជាច្រើនជូនដល់ប្រទេសចិន អាចនិយាយបានថា គឺអាមេរិកបានស្តារប្រទេសចិនឡើងវិញ ។ នៅថ្ងៃទី ១០ ខែតុលា ក្នុងសនិ្នសីទសារព័ត៌មានជាប្រចាំរបស់ក្រសួងការបរទេសចិន លោក Lu Kang អ្នកនាំពាក្យក្រសួងការបរទេសចិនបានឆ្លើយតបចំពោះពាក្យសំដីទាំងនេះ ដោយបានលើកឡើងថា ពាក្យសំដីដែលថា ការអភិវឌ្ឍនៃប្រទេសចិនគឺដោយមកពីការរួមចំណែករបស់អាមេរិក គឺមិនស្របនឹងការពិតជាក់ស្តែងទាំងស្រុង ហើយក៏គ្មានឡូស៊ីកទៀតផង ។ ការអភិវឌ្ឍន៍នៃប្រទេសចិនមិនមែនពឹងផ្អែកទៅលើការអាណិតអាសូរនិងការប្រទានពីប្រទេសដទៃទេ ហើយក៏ គ្មានប្រទេសណាមួយដែលមានកម្លាំងអាច “ស្តារ ”ប្រទេសចិនឡើងវិញនោះឡើយ ៕