ថ្ងៃទី៩ ខែតុលា លោកHeatherNauertអ្នកនាំពាក្យក្រសួងការបរទេសអាមេរិកបានមានប្រសាសន៍ថា ទំនាក់ទំនងរវាងអាមេរិកនិងចិនសំខាន់ណាស់ ភាគីទាំង២គួរតែរួមគ្នាខិតខំប្រឹងប្រែងគាំពារឲ្យបានល្អ។
នៅក្នុងសន្និសីទសារព័ត៌មាននៅថ្ងៃដដែល លោកNauertបានថ្លែងទៅកាន់ប្រព័ន្ធសារព័ត៌មានថា ភាគីទាំង២អាមេរិកនិងចិនមានផលប្រយោជន៍រួមលើវិស័យជាច្រើន ដូចជាបញ្ហានុយគ្លេអ៊ែរនៃឧបទ្វីបកូរ៉េជាដើម ហើយក៏មានការខ្វែងគំនិតគ្នាឬប្រឈមមុខនឹងការសាកល្បងលើវិស័យមួយចំនួនដែរ តែភាគីទាំង២នឹងបន្តខិតខំប្រឹងប្រែង ដើម្បីដោះស្រាយបញ្ហាទាំងនេះ៕
