ថ្ងៃទី ១០ ខែតុលា នៅក្រុងប៉េកាំង លោក វ៉ាន់ យី សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិនបានជួបពិភាក្សាជាមួយលោក Fukuda Yasuo អតីតនាយករដ្ឋមន្ត្រីជប៉ុន និងតំណាងមជ្ឈដ្ឋានសេដ្ឋកិច្ចជប៉ុនដែលអញ្ជើញមកប្រទេសចិនដើម្បីចូលរួមកិច្ចសន្ទនាជុំទី៤រវាងសហគ្រិននិងអតីតមន្ត្រីជាន់ខ្ពស់ចិននិងជប៉ុន។
ក្នុងកិច្ចជំនួប លោក វ៉ាន់ យី បានលើកឡើងថា ឆ្នាំនេះជាខួបទី៤០នៃការចុះហត្ថលេខាលើសនិ្ធសញ្ញាមេត្រីភាពរវាងចិននិងជប៉ុន ។ ១០ឆ្នាំមុន ក្នុងឋានៈជានាយករដ្ឋមន្ត្រីជប៉ុននាសម័យនោះ លោក Fukuda Yasuo និងថ្នាក់ដឹកនាំចិនបានចុះហត្ថើលេខាលើឯកសារនយោបាយច្បាប់ទី៤ ដែលបានកំណត់យ៉ាងច្បាស់ថា ជប៉ុននិងចិនជាដៃគូសហប្រតិបតិ្តការពីគ្នា មិនបង្កើតជាការគំរាមកំហែងចំពោះគ្នាទេ ហើយនឹងផ្តល់ការគាំទ្រដល់គ្នាដើម្បីអភិវឌ្ឍដោយសនិ្តភាព ។ នាពេលបច្ចុប្បន្ននេះ គោលការណ៍ទាំងនេះនៅតែមានសារៈសំខាន់ជាក់ស្តែងដដែល ។ ភាគីទាំងពីរគួរតែពង្រឹងនិងពង្រីកនូវមូលដ្ឋានខាងនយោបាយនិងច្បាប់របស់ទំនាក់ទំនងចិននិងជប៉ុន ព្រមនិងបញ្ជាក់គំនិតឯកភាពសំខាន់ស្តីពីភាគីទាំងពីរជាដៃគូសហប្រតិបតិ្តការពីគ្នា ក៏ដូចជាគ្រោងផែនទីបង្ហាញផ្លូវថ្មីសម្រាប់អភិវឌ្ឍទំនាក់ទំនងប្រទេសទាំងពីរនៅពេលអនាគតផងដែរ ៕
