ល្ងាចថ្ងៃទី១៨ខែកញ្ញាលោកមូនជេអ៊ីនប្រធានាធិបតីកូរ៉េខាងត្បូងដែលកំពុងបំពេញទស្សនកិច្ចនៅក្រុងព្យុងយ៉ាងរដ្ឋធានីកូរ៉េខាងជើងបានជួបពិភាក្សាជាមួយលោកគីមជុងអ៊ុនប្រធានគណៈកម្មាធិការកិច្ចការរដ្ឋកូរ៉េខាងជើង។
ប្រព័ន្ធសារព័ត៌មានកូរ៉េខាងត្បូងបានផ្សាយដំណឹងឱ្យដឹងថា កិច្ចជំនួបពិភាក្សាលើកនេះបានធ្វើឡើងនៅវិមានទីស្តីការនៃគណៈកម្មាធិការមជ្ឈិមបក្សពលករកូរ៉េខាងជើងដែល រយៈពេលប្រហែលពីរម៉ោង។ ជាកិច្ចចាប់ផ្តើមនៃកិច្ចជំនួប លោកគីមជុងអ៊ុនបានថ្លែងអំណរគុណចំពោះលោកមូនជេអ៊ីននិងបានថ្លែងថា បច្ចុប្បន្ននេះទំនាក់ទំនងរវាងកូរ៉េខាងជើងនិងខាងត្បូង ទំនាក់ទំនងរវាងកូរ៉េខាងជើងនិងអាមេរិកសុទ្ធតែត្រូវបានកែលម្អ យើងអាចរំពឹងបានថា ស្ថានការណ៍នៃតំបន់ជុំវិញនឹងកាន់តែមានស្ថិរភាពហើយនឹងទទួលបានការវិវឌ្ឍថ្មីទៀតផង៕
