ក្នុងខណៈពេលដែលកិច្ចជំនួបរវាងប្រមុខរដ្ឋកូរ៉េខាងត្បូងនិងកូរ៉េខាងជើងជិតនឹងបើកធ្វើ ក្រសួងការបរទេសអាមេរិកបានចេញសេចក្តីថ្លែងការណ៍កាលពីថ្ងៃទី១៧ខែកញ្ញាថា លោកMike Pompeoរដ្ឋមន្រ្តីការបរទេសអាមេរិកនិងលោកKang Kyung-whaរដ្ឋមន្រ្តីការបរទេសកូរ៉េខាងត្បូងបានជួបពិភាក្សាតាមទូរស័ព្ទពីរលើកក្នុងរយៈពេល២ថ្ងៃកន្លងទៅ ដើម្បីពិភាក្សាអំពីបញ្ហាគ្មានអាវុធនុយគ្លេអ៊ែរនៅឧបទ្វីបកូរ៉េ។
ភាគីទាំងពីរបានថ្លែងថា មុនពេលឈានដល់ការសម្រេចការគ្មានអាវុធនុយគ្លេអ៊ែរជាស្ថាពរនៅឧបទ្វីបកូរ៉េគឺនឹងបន្តដាក់សម្ពាធទៅលើកូរ៉េខាងជើងដដែល៕