លោក Gaofeng អ្នកនាំពាក្យក្រសួងពាណិជ្ជកម្មចិនបានថ្លែងកាលពីថ្ងៃទី១៣ ខែកញ្ញាថា ការជំរុញការកសាងតំបន់ពាណិជ្ជកម្មសេរីជាមួយប្រទេសមានពាក់ព័ន្ធ ជាខ្លឹមសារដ៏សំខាន់ក្នុងដំណើរការបើកទូលាយថែមទៀតនៃប្រទេសចិនដើម្បីកសាងសេដ្ឋកិច្ចពិភពលោកបែបបើកទូលាយ ។ ប្រទេសចិនរីករាយពិភាក្សាជាមួយបណ្តាប្រទេសដែលមានក្តីបំណងដើម្បីបង្កើតតំបន់ពាណិជ្ជកម្មសេរី ។
គិតរហូតមកដល់ពេលបច្ចុប្បន្ននេះ ប្រទេសចិនបានឈានដល់កិច្ចព្រមព្រៀងពាណិជ្ជកម្មសេរីចំនួន ១៧ ជាមួយប្រទេសនិងតំបន់ចំនួន ២៥ ដោយមានដៃគូពាណិជ្ជកម្មសេរីនៅទ្វីបអឺរ៉ុប អាស៊ី ទ្វិបអូសេអានី ទ្វីបអាមេរិកខាងត្បូងនិងទ្វីបអាហ្រ្វិក ។
