លោកស៊ីជីនភីងប្រធានរដ្ឋចិននិងលោកភូទីនប្រធានាធិបតីរុស្ស៊ីបានរួមគ្នាទស្សនាមជ្ឈមណ្ឌលកុមារ”សមុទ្រ”រុស្ស៊ីនៅVladivostokប្រទេសរុស្ស៊ីកាលពីថ្ងៃទី១២ខែកញ្ញា។ប្រមុខរដ្ឋប្រទេសទាំងពីរបានរំពឹងទុកថានឹងបង្កើនការផ្លាស់ប្តូររវាងយុវជននិងក្មេងជំទង់នៃប្រទេសទាំងពីរថែមមួយកម្រិតទៀត ដើម្បីបន្តមិត្តភាពរវាងចិននិងរុស្ស៊ីតកូនតចៅតរៀងទៅ។
មជ្ឈមណ្ឌលកុមារ”សមុទ្រ”រុស្ស៊ីក្រោមការគ្រប់គ្រងនៃក្រសួងការអប់រំនៃរុស្ស៊ី។បន្ទាប់ពីគ្រោះរញ្ជួយដីបានកើតនៅស្រុកWenChuanប្រទេសចិនកាលពីឆ្នាំ២០០៨ តបតាមសេចក្តីអញ្ជើញរបស់រដ្ឋាភិបាលរុស្ស៊ី មានកុមារចិននៃតំបន់រងគ្រោះជិត២ពាន់នាក់បានមកដល់មជ្ឈមណ្ឌលនេះដើម្បីទទួលបានការថែរក្សា។បន្ទាប់ពីគ្រោះរញ្ជួយដីបានកើតនៅស្រុកYaAnប្រទេសចិនកាលពីឆ្នាំ២០១៣ មានកុមារចិននៃតំបន់រងគ្រោះចំនួន២៩៩នាក់មកដល់មជ្ឈមណ្ឌលនេះដើម្បីទទួលបានការថែរក្សាផងដែរ។
