មហាសន្និបាតអប់រំទូទាំងប្រទេសចិនបានប្រារព្ធធ្វើនៅទីក្រុងប៉េកាំងនៅព្រឹកថ្ងៃទី ១០ ខែកញ្ញា។ លោក ស៊ី ជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិសចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិនបានអញ្ជើញចូលរួមព្រមទាំងថ្លែងសុន្ទរកថាដែលមានអត្ថន័យសំខាន់។
ថ្ងៃទី ១០ ខែកញ្ញានេះជាទិវាគ្រូបង្រៀនលើកទី ៣៤ នៃសាធារណរដ្ឋប្រជាមានិតចិន ។ ក្នុងនាមមជ្ឈិមបក្សកុម្មុយនិសចិន លោក ស៊ី ជីនភីង បានសំដែងការអបអរសាទរយ៉ាងកក់ក្តៅនិងការសួរសុខទុក្ខយ៉ាងស្មោះចំពោះលោកគ្រូ អ្នកគ្រូ និងបុគ្គលិកការងារផ្នែកការអប់រំទាំងអស់ទូទាំងប្រទេសចិន។ លោកបានសង្កត់ធ្ងន់ថា ក្នុងរយៈពេលជាយូរណាស់មកហើយ គ្រូបង្រៀនទាំងអស់បានអនុវត្តគោលការអប់រំនៃបក្សកុម្មុយនិសចិន និងបានចូលរួមផ្តល់វិភាគទានដ៏ធំនិងសំខាន់ក្នុងការអភិវឌ្ឍប្រទេសជាតិ និងការងើបឡើងវិញនៃជនជាតិ។ គ្រូបង្រៀនជាវិស្វករនៃព្រលឹងមនុស្សជាតិ ជាអ្នកបន្តមរតកនៃអរិយធម៌មនុស្សជាតិ។ ទូទាំងបក្សកុម្មុយនិសនិងសង្គមទាំងមូលត្រូវតែគោរពគ្រូបង្រៀន គោរពការងារអប់រំ បន្តខិតខំលើកឡើងឋានៈនយោបាយ សង្គម និងអាជីពរបស់គ្រូបង្រៀន៕