កិច្ចពិគ្រោះពិភាក្សាថ្នាក់អនុរដ្ឋមន្ត្រីរវាងចិននិងអាមេរិកស្តីពីបញ្ហាសេដ្ឋកិច្ចនិងពាណិជ្ជកម្មនឹងប្រារព្ធធ្វើនៅក្រុងវ៉ាស៊ីនតោន រដ្ឋធានីសហរដ្ឋអាមេរិកនៅពេលដ៏ខ្លីខាងមុខ ដែលបានញ៉ាំងឲ្យប្រព័ន្ធសារព័ត៌មានសំខាន់ៗរបស់អាមេរិកយកចិត្តទុកដាស់យ៉ាងខ្ពស់ ប្រព័ន្ធសារព័ត៌មានមួយចំនួនបានចុះផ្សាយព្រមៗគ្នានូវសេចកី្តរំពឹងទុករបស់គ្រប់មជ្ឈដ្ឋានអាមេរិកដែលចង់ឲ្យទំនាក់ទំនងសេដ្ឋកិច្ចនិងពាណិជ្ជកម្មទ្វេភាគីរវាងអាមេរិកនិងចិនងាកទៅរកស្ថិរភាពវិញ ។
ប្រព័ន្ធសារព័ត៌មានអាមេរិកជាច្រើនបានផ្សាយដំណឹងស្តីពីទីផ្សារអាមេរិកមានជំនឿចិត្តឡើងវិញដោយសារទទួលបានដំណឹងអំពីការដែលប្រទេសចិននិងអាមេរិកនឹងរៀបចំឡើងវិញនូវកិច្ចពិគ្រោះពិភាក្សាអំពីបញ្ហាសេដ្ឋកិច្ចនិងពាណិជ្ជកម្ម ។ ប្រព័ន្ធសារព័ត៌មានហិរញ្ញវត្ថុអាមេរិក CNBC បានផ្សាយដំណឹងដោយដកស្រង់ពាក្យសម្តីរបស់អ្នកវិភាគខាងការវិនិយោគថា បើសិនជាភាពតានតឹងនៃការប៉ះទង្គិចខាងពាណិជ្ជកម្មរវាងអាមេរិកនិងចិនអាចបន្ធូរបន្ថយក្នុងរយៈពេលប៉ុន្មានខែខាងមុខនេះ នោះទីផ្សារនឹងងាកទៅរកសភាពល្អប្រសើរឡើងវិញជាបណ្តើរៗ ដោយសារមួយរយៈកាលនេះ ទិសដៅនៃទំនាក់ទំនងសេដ្ឋកិច្ចនិងពាណិជ្ជកម្មរវាងអាមេរិកនិងចិនគឺជាក្តីព្រួយបារម្ភបំផុតមួយជាប់រហូតមករបស់អ្នកវិនិយោគ ៕