ថ្ងៃទី ៩ ខែសីហា បក្សពួកកងកម្លាំងប្រដាប់អាវុធនៅតំបន់កាហ្សានៃប្រទេសប៉ាឡេស្ទីនបានប្រកាសឈប់បាញ់គ្នាជាមួយអ៊ីស្រាហែល និងគូសបញ្ជាក់ថា ភាគីបក្សពួកកងកម្លាំងបានបញ្ចប់ការប៉ះទង្គិចលើកនេះហើយ តើអាចសម្រេចបាននូវការឈប់បាញ់គ្នាឬអត់វាស្ថិតនៅលើសកម្មភាពជំហានក្រោយរបស់ប្រទេសអ៊ីស្រាហែល ។
នៅថ្ងៃដដែល ទីស្តីការប្រធានាធិបតីប៉ាឡេស្ទីនបានចេញសេចកី្តថ្លែងការណ៍មួយបញ្ជាក់ចែងថា លោក Abbas ប្រធានាធិបតីប៉ាឡេស្ទីនកំពុងធ្វើការទាក់ទងយ៉ាងស្អិតល្មួតជាមួយបណ្តាភាគីនានានៃសហគមន៍អន្តរជាតិ ក្នុងន័យអំពាវនាវសហគមន៍អន្តរជាតិឲ្យជួយធ្វើអន្តរគមន៍ជាបន្ទាន់ ដើម្បីទប់ស្កាត់អ៊ីស្រហែលធ្វើសកម្មភាពកាន់តែខ្លាំងទៅលើនៅតំបន់កាហ្សា និងចៀសវាងនាំមកនូវការបំផ្លិចបំផ្លាញនិងអស្ថិរភាពកាន់តែធ្ងន់ធ្ងងទៀតដល់តំបន់មួយនេះ ៕
